ដោយ: គង់ លាងហួរ
សិង្ហបុរី: ប្រទេសសិង្ហបុរី បានបង្កើនការផ្គត់ផ្គង់លំនៅដ្ឋានឯកជន នៅក្នុងបញ្ជីនៃកម្មវិធីលក់ដីរបស់រដ្ឋាភិបាល (GLS) សម្រាប់ឆមាសទីពីរនៃឆ្នាំនេះ រហូតដល់៥.១៦០យូនីត កើនឡើងពី៤.០៩០យូនីត នៅក្នុងរយៈពេលប្រាំមួយខែដំបូង។
លំនៅដ្ឋានសរុប៩.២៥០យូនីត សម្រាប់ឆ្នាំ២០២៣ទាំងមូលនេះគឺចំនួនខ្ពស់បំផុត ក្នុងរយៈពេលមួយទសវត្សរ៍កន្លងមក ហើយវាក៏ខ្ពស់ជាងការផ្គត់ផ្គង់លំនៅដ្ឋាននៅឆ្នាំ២០២២ ជិត៥០ភាគរយ និងស្មើប្រហែល២,៥ដង បើធៀបនឹងឆ្នាំ២០២១។
អាជ្ញាធរអភិវឌ្ឍន៍ទីក្រុង (URA) បានបញ្ជាក់នៅក្នុងសេចក្តីប្រកាសព័ត៌មាននៅថ្ងៃពុធ ទី២១ ខែមិថុនានេះ ថា កម្មវិធី GLS សម្រាប់ឆមាសទីពីរនៃឆ្នាំនេះ រួមមានទីតាំងចុះបញ្ជី ដែលបានបញ្ជាក់ចំនួន៨ និងទីតាំងបញ្ជីបម្រុងចំនួន៩ទៀត។
