ដោយៈ តែម សុខុម
បាងកក: យោងតាមផែនការពង្រីកខ្លួន យ៉ាងគំហុកជាយុទ្ធសាស្ត្ររបស់ក្រុមហ៊ុនខ្សែសង្វាក់ សណ្ឋាគារអន្តរជាតិដ៏ល្បីល្បាញ Radisson Hotel Group បង្ហាញថា ក្រុមហ៊ុនខ្នាតយក្សមួយនេះគ្រោងបើកសណ្ឋាគារថ្មីៗចន្លោះពី១២ ទៅ១៥ទីតាំង ជារៀងរាល់ឆ្នាំនៅក្នុងប្រទេសថៃ ឡាវ វៀតណាម និងកម្ពុជា។
គម្រោងសណ្ឋាគារថ្មីៗទាំងនេះ ភាគច្រើនឬរហូតដល់ទៅ៧០ភាគរយ នៃផែនការពង្រីកខ្លួននេះ នឹងបើកនៅក្នុងប្រទេសថៃ ហើយសល់៣០% ទៀតគ្រោងបើកនៅក្នុងប្រទេសឡាវ វៀតណាម និងកម្ពុជា។ នេះបើយោងតាមសារព័ត៌មាន The Nation ចុះផ្សាយកាលពីថ្ងៃអាទិត្យ ទី០២ ខែកក្កដា។
លោក Elie Younes នាយករងប្រតិបត្តិក្រុមហ៊ុន Radisson Hotel Group និងជាប្រធានផ្នែកអភិវឌ្ឍន៍សកល នៃក្រុមហ៊ុនដែលមានការិយាល័យកណ្ដាល នៅសហរដ្ឋអាមេរិកនេះបានបញ្ជាក់ថា សណ្ឋាគារលំដាប់ព្រីមៀម និងប្រណីតជាច្រើនទៀត គ្រោងបើកនៅក្នុងប្រទេសថៃ ក្នុងរយៈពេល៥ឆ្នាំខាងមុខ។
