ដោយ: គង់ លាងហួរ
អន្តរជាតិ: ក្រុមហ៊ុនសេវាកម្មអចលនទ្រព្យពាណិជ្ជកម្មសកល Cushman និង Wakefield បានអះអាងថា ការជួលផ្ទះនៅក្រុងហុងកុងត្រូវបានគេរំពឹងថា នឹងបន្តកើនឡើងនៅក្នុងឆមាសទីពីរ ឆ្នាំ២០២៣នេះ ទោះបីជាការប្រែប្រួលនៃតម្លៃផ្ទះ នៅតែបន្តកើតមានយ៉ាងណាក្តី។
ដំបូង ទីផ្សារលំនៅដ្ឋានបានមើលឃើញ ពីការងើបឡើងវិញនៃតម្លៃផ្ទះ បន្ទាប់ពីព្រំដែនទីក្រុងហុងកុង ជាមួយចិនដីគោកត្រូវបានបើកឡើងវិញកាលពីខែកុម្ភៈ។ នេះបើយោងតាមរបាយការណ៍ ដែលចេញផ្សាយដោយក្រុមហ៊ុន Cushman កាលពីថ្ងៃព្រហស្បតិ៍។ 
របាយការណ៍បានបន្តថា តម្លៃផ្ទះសម្រាប់ស្នាក់នៅយូរ បានកើនឡើង៤,៩ភាគរយ ក្នុងរយៈពេល៥ខែចុងក្រោយនេះ ទោះបីជាសន្ទស្សន៍តម្លៃផ្ទះ បានកត់ត្រាការធ្លាក់ចុះ ជាលើកដំបូងរបស់ខ្លួនក្នុងខែឧសភាយ៉ាងណាក្តី។
