ដោយៈ គង់ សូរិយា
ភ្នំពេញៈ មនុស្សមានគំនិតអវិជ្ជមាន មិនសូវទទួលបានជោគជ័យក្នុងសង្គមនោះទេ ហើយការសេពគប់មនុស្សអវិជ្ជមាន អាចបណ្តាលឲ្យយើងក្លាយជាមនុស្សអវិជ្ជមានផងដែរ។
លោកឧកញ៉ាបណ្ឌិតគីម ហ៊ាង ប្រធានKW Cambodia និងជាអ្នកអភិវឌ្ឍន៍បុរីវិមានសំណាង បានសរសេរលើបណ្តាញទំនាក់ទំនងសង្គម ទាក់ទងនឹងឥទ្ឋិពលនៃការសេពគប់ មនុស្សអវិជ្ជមានចំនួនពីរចំណុច ទី១ បើក្រុមមួយមានមនុស្សវិជ្ជមាន១០នាក់ តែបើថែមមនុស្សអវិជ្ជមានម្នាក់ នោះនឹងបង្កើតក្រុមមនុស្សអវិជ្ជមាន១១នាក់។
ទី២ ក្រុមមួយមានមនុស្សអវិជ្ជមាន២នាក់ បើថែមមនុស្សវិជ្ជមាន៩៨នាក់ នោះនឹងបង្កើតបានក្រុមមនុស្សអវិជ្ជមាន១០០នាក់។
តើអ្វីជាដំណោះស្រាយ? លោកឧកញ៉ាបណ្ឌិតគីម ហ៊ាងបានពន្យល់ថា “យើងមិនអាចលុបបំបាត់មនុស្សអវិជ្ជមានបានទេ តែយើងអាចជ្រើសរើស ការនៅអោយឆ្ងាយពីមនុស្សអវិជ្ជមាន”។
ការគិតអវិជ្ជមាន ផ្តល់ផលអវិជ្ជមានច្រើនសម្រាប់ខ្លួនឯង សង្គម និងប្រទេសជាតិ ប្រសិនជាប្រព័ន្ឋនៃការគិតនោះ ស្ថិតនៅក្នុងក្រុមមនុស្សភាគច្រើន៕
