ដោយ: គង់ លាងហួរ
ភ្នំពេញ: តម្លៃដីធ្លី បានស្ថិតនៅក្នុងសញ្ញា-10ភាគរយ ក្នុងត្រីមាសទី២នៃឆ្នាំនេះ ហើយវាជាការធ្លាក់ចុះជាលើកដំបូងក្នុងរយៈពេល៤ទសវត្សរ៍ចុងក្រោយនេះ។
យោងតាមរបាយការណ៍សិក្សាថ្មីមួយ ដែលបានចេញផ្សាយក្នុងសប្តាហ៍នេះរបស់ក្រុមហ៊ុន ប្រឹក្សាអចលនទ្រព្យPropNex Cambodiaបានបង្ហាញ អំពីនិន្នាការនៃអចលនទ្រព្យចំនួន៤ប្រភេទដូចជា ដីធ្លី ខុនដូ ការិយាល័យ និងវិស័យលក់រាយ ក្នុងទីក្រុងភ្នំពេញនៅឆមាសទី១ ព្រមទាំងបញ្ជាក់អំពីសារៈសំខា ន់នៃបច្ចេកវិទ្យា AI នៅក្នុងវិស័យអចលនទ្រព្យផងដែរ។
របាយការណ៍បានបន្តថា ដីធ្លីគឺជាការវិនិយោគអចលនទ្រព្យមួយប្រភេទ ដ៏គួរឱ្យទាក់ទាញក្នុងទីក្រុងភ្នំពេញ។ វិស័យនេះ បានស្គាល់នូវអត្រាកំណើន ជាមធ្យមប្រហែល១២% ជារៀងរាល់ឆ្នាំ មុនពេលមានការផ្ទុះឡើងនៃជំងឺកូវីដ-១៩។ 
ទោះជាយ៉ាងនេះក្តី ផលប៉ះពាល់អវិជ្ជមាន ដែលបង្កឡើងដោយវិបត្តិសកលលោកផ្សេងៗ ទៅលើវិស័យនេះត្រូវបានគេមើលឃើញចាប់តាំងពីឆ្នាំ២០២០មកម្ល៉េះ។
របាយការណ៍បានបញ្ជាក់ថា វិស័យដីធ្លីបានសង្កេតឃើញការធ្លាក់ចុះ នៃអត្រាកំណើនមកនៅត្រឹម៦% ក្នុងឆ្នាំ២០២២ ហើយបានបន្តធ្លាក់ចុះមកដល់-១០% នៅក្នុងឆមាសទី១ ឆ្នាំ២០២៣នេះ ពោលគឺជាការធ្លាក់ចុះ ជាលើកដំបូងនៃអត្រាកំណើន ក្នុងរយៈពេល៤ទសវត្សរ៍ចុងក្រោយនេះ៕
