ដោយៈ គង់ សូរិយា
ភ្នំពេញៈ មន្រ្តីជាន់ខ្ពស់ក្រសួងរៀបចំដែនដី បានជួបប្រជុំនិងពិភាក្សាជាមួយមន្រ្តីជំនាញ ធនាគារអភិវឌ្ឍន៍អាស៊ី(ADB) ដើម្បីរៀបចំអភិវឌ្ឍន៍ទីក្រុងចំនួនបី ប្រកបដោយសុខដុមរមនា។
កិច្ចប្រជុំដែលបានធ្វើឡើងកាលពីថ្ងៃទី៤ តុលាកន្លងមកនេះដឹកនាំដោយលោក ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជានាយកគម្រោងនៃក្រុមការងារអនុវត្តន៍ គម្រោងអភិវឌ្ឍទីក្រុង ប្រកបដោយសុខដុមរមនា នៅក្រុងកំពត ក្រុងបាវិត និងក្រុងប៉ោយប៉ែត។
កិច្ចប្រជុំនេះ មានការចូលរួមពីក្រុមការងារទីប្រឹក្សា នៃធនាគារអភិវឌ្ឍន៍អាស៊ីស្តីពី គម្រោងអភិវឌ្ឍទីក្រុង ប្រកបដោយសុខដុមរមនានៅក្រុងកំពត ក្រុងបាវិត និងក្រុងប៉ោយប៉ែត៕
