ដោយៈ គង់ សូរិយា
ភ្នំពេញៈ តំបន់ជុំវិញអាកាសយានដ្ឋានអន្តរជាតិថ្មីចំនួន២ របស់កម្ពុជា គឺអាកាសយានដ្ឋានអន្តរជាតិតេជោ និងអាកាសយានដ្ឋាន សៀមរាប អង្គរ ត្រូវបានរំពឹងថានឹងមានសក្ដានុពល កាន់តែខ្ពស់នៅពេលអនាគតឆាប់ៗនេះ។
លោក កែវ សុធារ៉ា អ្នកជំនាញអចលនទ្រព្យមួយរូបប្រចាំខេត្តសៀមរាប និងជាប្រធានក្រុមហ៊ុនអចលនទ្រព្យKW ប្រចាំខេត្តសៀមរាបបានឱ្យដឹងផងដែរថា តំបន់ជុំវិញព្រលានយន្តហោះអន្តរជាតិសៀមរាប អង្គរ រំពឹងថានឹងមានសក្ដានុពលខ្ពស់ ខណៈបច្ចុប្បន្ននេះមានគម្រោងមួយចំនួន ក៏បានគ្រោងនឹងអភិវឌ្ឍន៍ នៅជុំវិញតំបន់នោះរួចជាស្រេច ដោយរង់ចាំតែពេលវេលា និងស្ថានភាពសេដ្ឋកិច្ចប្រសើរ នឹងត្រូវអភិវឌ្ឍន៍ហើយ។
ដោយឡែកក្រលេកទៅមើលតំបន់ជុំវិញ អាកាសយានដ្ឋានអន្តរជាតិតេជោ ដែលស្ថិតនៅស្រុកកណ្ដាលស្ទឹង ខេត្តកណ្ដាលវិញក៏ឃើញថា ហេដ្ឋារចនាសម្ព័ន្ធផ្លូវ ថ្នល់ ភ្លើង បានតភ្ជាប់ទៅកាន់តំបន់ជាបណ្ដើរៗហើយ ដោយរំពឹងថា នៅពេលអនាគតឆាប់ៗនេះ តំបន់ជុំវិញអាកាសយានដ្ឋានមួយនេះ នឹងទាក់ទាញបាននូវការវិនិយោគជាបន្តបន្ទាប់ ។
លោកស្រីបន្តថា “អ្នកវិនិយោគដីធ្លី អាចចាប់ឱកាសក្នុងការវិនិយោគលើដីធ្លីនៅតំបន់ជុំវិញនោះ ប៉ុន្តែយ៉ាងណាក្ដី តម្លៃដីធ្លីនៅតំបន់ជុំវិញអាកាសយានដ្ឋាន ក៏នឹងមិនឡើងខ្ពស់ដូចតំបន់លំនៅឋាន និងពាណិជ្ជកម្មឡើយ ពីព្រោះថាវាជាតំបន់ឧស្សាហកម្ម”។
