ដោយៈ គង់ សូរិយា
សៀមរាបៈ ថ្នាក់ដឹកនាំក្រុមហ៊ុនបានបង្ហើបឲ្យដឹងថា គំរោងវិនិយោគសារៈមន្ទីរឌីជីថល នៅក្រុងសៀមរាប ខេត្តសៀមរាបនឹងបញ្ចប់ នៅខែមិនាខាងមុខនេះ។
ព័ត៌មាននេះត្រូវបានលើកឡើងដោយ លោក កែ ប៊ិន សូរស្មី ប្រធានក្រុមហ៊ុនអ៊ឹមមើស៊ីវ អង្គរ លីហ្គេស៊ី ឯ.ក អំពីគម្រោងវិនិយោគសាងសង់សារមន្ទីរឌីជីថល (សារមន្ទីរ 3D) ក្នុងជំនួបសម្តែងការគួរសម និងពិភាក្សាការងារជាមួយលោកប្រាក់ សោភ័ណអភិបាលនៃគណៈអភិបាលខេត្តសៀមរាប កាលពីដើមសប្តាហ៍នេះ។ក្នុងជំនួបនោះ លោកកែ ប៊ិនសូរស្មី បានជម្រាបជូនអភិបាលខេត្តថា គម្រោងវិនិយោគបេតិកភណ្ឌបែបទំនើបនេះ មានការចូលរួមសហការ ដោយក្រុមហ៊ុនបច្ចេកវិទ្យាដ៏ល្បីមួយ ក្នុងប្រទេសបារាំង ដែលនឹងចេញជារូបរាងផ្លូវការ នៅអំឡុងខែមីនា ឆ្នាំ២០២៥ខាងមុខនេះ។
ជាមួយគ្នានេះ លោកប្រាក់ សោភ័ណ អភិបាលខេត្ត បានសម្តែងនូវការចាប់អារម្មណ៍ជាខ្លាំង លើគម្រោងវិនិយោគនេះ ហើយបានធ្វើការគាំទ្រ ព្រមទាំងសង្ឃឹមថា គម្រោងនឹងអាចលេចចេញជារូបរាង តាមការគ្រោងទុក ក្នុងពេលឆាប់ៗនេះ៕