ដោយៈ គង់ សូរិយា
ស្ទឹងត្រែងៈ ជីវចម្រុះ ដើមឈើដែលមានឬសវែងអន្លាយ ជាមួយឆ្នេរ និងពំនូកខ្សាច់តូចៗ នៅលើដងទន្លេរមេគង្គ បានក្លាយជាទស្សនីយកម្មភាពមួយដ៏មនោរម្យ សម្រាប់តំបន់ទេសចរណ៍កោះហាន។
យោងតាមការបង្ហាញរបស់ក្រសួងទេសចរណ៍បានឲ្យដឹងថា សហគមន៍អេកូទេសចរណ៍ “សម្រស់កោះហាន” ស្ថិតលើដីកោះក្នុងឃុំកោះស្នែង យើងអាចធ្វើដំណើរឆ្លងតាមស្ពានសេកុង តាមផ្លូវជាតិលេខ៧ ពីទីរួមខេត្តស្ទឹងត្រែង ដែលមានចម្ងាយប្រហែល២៤គីឡូម៉ែត្រ ទៅដល់កំពង់ដរចម្លងសហគមន៍។
១ អ្នកទស្សនាអាចមកលេងតំបន់ទេសចរណ៍នេះ អាចទស្សនានូវសក្តានុពលធម្មជាតិជាច្រើនដូចជា• ជិះទូកមើលព្រៃលិចទឹក សត្វស្លាបទឹកទន្លេមេគង្គ និងឡើងភ្នំ។ • ទស្សនារូបសំណាក់ថ្មពាក់ព័ន្ធរឿងព្រេង (ថ្មកំបោរ)។ • បោះតង់ មើលថ្ងៃលិច និងជិះទូកកៃយ៉ាក់តាមព្រៃលិចទឹក។ • ពិសារអាហារប្រចាំតំបន់ ដែលរៀបចំដោយសហគមន៍ផ្ទាល់។ • ស្នាក់នៅផ្ទះស្នាក់សហគមន៍ និងរៀនសូត្រពីជីវភាពរស់នៅអ្នកលើកោះ
២. សេវាកម្មរបស់សហគមន៍មាន • សេវាម្ហូបអាហារ • សេវាផ្ទះស្នាក់សហគមន៍• សេវាអ្នកនាំភ្ញៀវ• សេវាទូកដឹកភ្ញៀវ• សេវាបោះតង់លើកោះ• ជិះទូកកៃយ៉ាក់• សេវាសន្តិសុខសណ្ដាប់ធ្នាប់៕
