ដោយៈ គង់ សូរិយា
សៀមរាបៈ ដើម្បីសម្រួលដល់លំហូរចរាចរណ៍ ក្រសួងសាធារណៈការ និងដឹកជញ្ជូនបាននិងកំពុងសម្រេចពង្រីកផ្លូវជាតិលេខ៦ ពីច្រកចូលព្រលានយន្តហោះសៀមរាបថ្មី មកកាន់ក្រុងសៀមរាប។
រដ្ឋលេខាធិការក្រសួងសាធារណការ និងដឹកជញ្ជូន លោកខាន់ ម៉ាណេរ កាលពីសប្តាហ៍មុន បានចូលរួមធ្វើបទបង្ហាញក្នុងនាមក្រសួងសាធារណការ និងដឹកជញ្ជូន ស្តីពីគម្រោងលើកកម្រិតគុណភាពផ្លូវជាតិលេខ៦ ជាបួនគន្លង។
ការពង្រីកនេះធ្វើឡើងនៅចំណុច ចាប់ពីផ្លូវច្រកចូលព្រលានយន្តហោះថ្មី មកក្រុងសៀមរាប ក្នុងកិច្ចប្រជុំបច្ចេកទេសលើកទី៣៨ និងប្រជុំពេញអង្គលើកទី៣០ នៃគណៈកម្មាធិការអន្តរជាតិ ដើម្បីសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្រ្តអង្គរ និងសំបូរព្រៃគុក(ICC-Angkor/Sambor Prei Kuk)៕
