ដោយៈ សូរិយាវង្ស
កំពង់ស្ពឺៈ កាលពីចុងសប្តាហ៍មុន សភាពាណិជ្ជកម្មខេត្តកំពង់ស្ពឺបានទទួលស្វាគមន៍ពាណិជ្ជករ-វិនិយោគគិន អញ្ជើញមកពីប្រទេសវៀតណាម។
ក្នុងជំនួបទ្វេរភាគី (កម្ពុជា-រៀតណាម) សភាពាណិជ្ជកម្មខេត្តកំពង់ស្ពឺ ដឹកនាំដោយ លោកឡេង សុខគា ប្រធានសភាពាណិជ្ជកម្មខេត្តកំពង់ស្ពឺ និងអនុប្រធាន សមាជិក សមាជិកទីប្រឹក្សាសរុបចំនួន២១រូប និងភាគីវៀតណាមដឹកនាំដោយលោក Tran Duc Hai ដែលមានសមាជិកចំនួន១៦រូប តំណាងឱ្យក្រុមហ៊ុនចំនួន០៥ ធំៗរួមមាន៖
១.ក្រុមហ៊ុនយិនស៊ិន ង៉ុកលីង
២.ក្រុមហ៊ុនគ្រឿងសម្អាង (ទឹកអប់សៃហ្គន)
៣.ក្រុមហ៊ុននាំចេញនាំចូល
៤.ក្រុមហ៊ុនខាងកសិកម្ម
៥.ក្រុមហ៊ុនទឹកស្អាត។
ក្នុងជំនួបដ៏សំខាន់នោះភាគីទាំងពីរ បានពិភាក្សាគ្នាអំពី ភាពជាដៃគូរ ការដោះដូរពាណិជ្ជកម្ម ឱកាសវិនិយោគ ការកែច្នៃទិន្នផលកសិកម្ម និងការពង្រឹងចំណងកិច្ចសហការ កម្ពុជា-វៀតណាម៕