ដោយៈ គង់ សូរិយា
ភ្នំពេញៈ ការិយាល័យជួលបានកើនឡើង នៅរាជធានីភ្នំពេញ ក្នុងរយៈពេលប៉ុន្មានទសវត្សរ៍ចុងក្រោយនេះ ដោយមានតម្លៃខុសៗគ្នាអាស្រ័យ លើកម្រិតស្តង់ដាការិយាល័យកម្រិតA ,B និងការិយាល័យជួលកមម្រិតC។
យោងតាមការសិក្សារបស់ក្រុមហ៊ុនCBRE Cambodiaដែលបានផ្សព្វផ្សាយកាលពីពេលថ្មីៗនេះបានបង្ហាញថា ការជួលអចលនទ្រព្យកម្រិតA មានតម្លៃជួលចន្លោះពី២៨ ទៅ៣០ដុល្លារ ក្នុងមួយម៉ែត្រការ៉េក្នុងមួយខែ។
ចំណែកការិយាល័យកម្រិតB មានតម្លៃចន្លោះពី២២ ទៅ២៣ ដុល្លារក្នុងមួយម៉ែត្រការ៉េក្នុងមួយខែ ដែលការជួលមានការកើនឡើង៥,៥ភាគរយ។ ទោះយ៉ាងណាក៏ដោយ មានការធ្លាក់ចុះនៃការជួលសម្រាប់អចលនទ្រព្យកម្រិតB និងកម្រិតC មួយចំនួន។
ការិយាល័យជួលកម្រិតC ជាទូទៅមានតម្លៃ $១៤-$១៥ ក្នុងមួយម៉ែត្រការ៉េក្នុងមួយខែ។ការសិក្សារបស់CBRE ក៏បានបង្ហាញផងដែរថា “គម្លាតរវាងការស្រង់តម្លៃ និងការបញ្ចុះតម្លៃនៅតែបន្តកើនឡើង ដោយសារតែទីផ្សារប្រកួតប្រជែងកាន់តែខ្លាំង ម្ចាស់ផ្ទះសុខចិត្តចរចាលើតម្លៃដើម្បីទាក់ទាញអ្នកជួល។
ក្រៅពីតម្លៃការចរចាទាំងនេះ ក៏អាចមានការលើកទឹកចិត្តផ្សេងទៀតសម្រាប់អ្នកជួលផងដែរ។អត្រាប្រើប្រាស់ការុយាល័យជាមធ្យម មានអត្រាគ្របដណ្តប់ប្រហែល៦២,២ ភាគរយនៅក្នុងត្រីមាសទី១ ឆ្នាំ២០២៤នេះ ។ ការសិក្សារបស់CBRE Caambodiaបានបង្ហាញថា អាគារ ការិយាល័យ ដែលមានទំហំ១៧១.០០០ម៉ែត្រការ៉េ នឹងដាក់ចូលទីផ្សារនៅឆ្នាំ២០២៤នេះ៕
