ដោយៈ គង់ សូរិយា
ភ្នំពេញៈ រដ្ឋមន្រ្តីក្រសួងទេសចរណ៍ លោកហួត ហាក់បានពិភាក្សាជាមួយលោក Wang Wenbin ឯកអគ្គរដ្ឋទូតចិនប្រចាំកម្ពុជា ដើម្បីពង្រីកកិច្ចសហការលើវិស័យទេសចរណ៍។
ក្នុងជំនួបកាលពីថ្ងៃទី៣០ កញ្ញាកន្លងមក លោកហួត ហាក់ និងឯកអគ្គរដ្ឋទូតចិន បានពិភាក្សាអំពីការពង្រឹងកិច្ចសហប្រតិបត្តិការ និងរៀបចំយុទ្ធសាស្ត្រ លើកកម្ពស់វិស័យទេសចរណ៍របស់កម្ពុជា ដោយផ្តោតលើការកែលម្អរ ហេដ្ឋារចនាសម្ព័ន្ធ គុណភាពនៃសេវាកម្ម ក្នុងគោលដៅបង្កើនប្រាក់ចំណូល និងបង្កើតឱកាសការងារ ទៅក្នុងវិស័យទេសចរណ៍ ដែលជាគន្លឹះអាទិភាព ក្នុងយុទ្ធសាស្ត្របញ្ចកោណ-ដំណាក់កាលទី១ នីតិកាលទី៧ នៃរដ្ឋសភា។
