ដោយ វុត្ថា
ភ្នំពេញ៖ ព្រលានយន្តហោះអន្តរជាតិទាំងបីរបស់កម្ពុជា បានទទួលការហោះហើរឡើងចុះជាង១០ម៉ឺនលើកក្នុងមួយឆ្នាំ ដោយសារកំនើនភ្ញៀវទេសចរណ៍ និងអ្នកវិនិយោគបរទេសចូលមកកម្ពុជា។
យោងតាមទំព័របណ្តាញទំនាក់ទំនងសង្គម របស់រដ្ឋលេខាធិការដ្ឋានអាកាសចរស៊ីវិលដែលបានចេញផ្សាយនៅថ្ងៃទី២៧ មិនានេះបានឱ្យដឹងថា ក្នុងឆ្នាំ២០១៨កន្លងមក នេះ ប្រទេសកម្ពុជាទទួលបានជើងហោះហើរចំនួន១០៤,៨០៣ជើង កើនឡើង១៦.២% ធៀបនឹងឆ្នាំ២០១៧។ អ្នកដំនើរជាតិ និងអន្តជាតិតាមផ្លូវអាកាសចំនួន១០,៥៥៦,៥៤៧នាក់ កើនឡើង២១.១% ធៀបនឹងឆ្នាំ២០១៧។ ទំនិញបានចំនួន ៧៤,៦៥៥ តោន កើនឡើង១៥.១% ធៀបនឹង ឆ្នាំ២០១៧។ រីឯជើង ហោះហើររំលងបានចំនួន៦៦,០៩២ ជើង កើនឡើង១៣% ធៀបនឹងឆ្នាំ២០១៧ និងក្រុមហ៊ុនអាកាសចរណ៍ក្នុងស្រុក និងក្រៅស្រុកមានចំនួន៤៧ក្រុម ហ៊ុនកើនឡើង ២% ធៀបនឹង ឆ្នាំ ២០១៧។
រដ្ឋមន្រ្តីប្រតិភូអមនាយករដ្ឋមន្រ្តី លោកម៉ៅ ហាវណ្ណាល់ បានធ្វើការអំពាវនាវរដល់បណ្តាលក្រុមហ៊ុនអាកាសចរណ៍ ដែលកំពុងធ្វើប្រតិបត្តិការ នៅក្នុងព្រះរាជាណាចក្រកម្ពុជាឱ្យបន្តពង្រឹងនូវកិច្ចសហការណ ក្នុងភាពជាដៃគូរកម្រិតជំនាញជាមួយរដ្ឋលេខាធិការ ដ្ឋានអាកាសចរណ៍ស៊ីវិល (រ.ល.អ.ស) កម្ពុជាដើម្បីជំរុញឱ្យវិស័យនេះកាន់តែមានការវិវត្តន៏ប្រសើរឡើងបន្ថែមទៀត និងបានធ្វើការផ្តាំផ្ញើរដល់ថ្នាក់ដឹកនាំមន្ត្រីរាជការគ្រប់លំដាប់ថ្នាក់នៃរដ្ឋលេខាធិកាដ្ឋានអាកាសចរស៊ីវិល ខិតខំយកចិត្តទុកដាក់ បំពេញតួនាទីឱ្យបានខ្ជាប់ខ្ជួនធ្វើយ៉ាងណា សម្រេចឱ្យបាននូវគោលដៅអនុវត្ត នាឆ្នាំ២០១៩ខាងមុខនេះក្រោមកិច្ចសហការ ពីគ្រប់បណ្តាអង្គភាពផ្សេងៗប្រកបដោយបរិយាកាសរីករាយ និងរលូនទៅមុខ៕
