ដោយៈ គង់ សូរិយា
ភ្នំពេញៈ ថ្នាក់ដឹកនាំក្រុមហ៊ុនសឹង្ហបុរីចំនួន២រូប បានជួបពិភាក្សាស្វែងយល់ពីឱកាសវិនិយោគ និងកិច្ចសហការជាមួយក្រុមហ៊ុនរបស់លោកឧកញ៉ាបណ្ឌិតគីម ហ៊ាង ស្ថាបនិកនិងជាអគ្គនាយកបុរីវិមានសំណាង។
ក្រុមហ៊ុនទាំងនោះ រួមមាន Vos Advisory និងក្រុមហ៊ុន Terence Khng Production មានមូលដ្ឋាននៅប្រទេសសឹង្ហបុរី។
លោកឧកញ៉ាបណ្ឌិតគីម ហ៊ាងបានមានប្រសាសន៍ឲ្យដឹងថា ថ្មីៗនេះមានក្រុមហ៊ុនជាច្រើន មកពីប្រទេសជប៉ុន កូរ៉េ និងសឹង្ហបុរីជាដើម ដែលពួកគេបានមកសិក្សា ស្វែងយល់ពីឱកាសវិនិយោគ និងស្វែងរកដៃគូវិនិយោគនៅកម្ពុជា។
លោកឧកញ៉ាបានបន្តថា ដូចគ្នាថ្នាក់ដឹកនាំក្រុមហ៊ុនទាំងពីរ ដែលមានជំនាញបច្ចេកទេសផ្នែកសំណង់ និងអចលនទ្រព្យបានមកសិក្សាពីទីផ្សារកម្ពុជា និងពិភាក្សាពីោកាសវិនិយោគ និងកិច្ចសហការរួមគ្នាជាមួយលោកនាពេលអនាគត។
លោកឧកញ៉ាបណ្ឌិតគីម ហ៊ាងបានបញ្ជាក់ថា “តាមរយៈកិច្ចពិភាក្សាគ្នា ក្រុមហ៊ុនខាងលើនិងក្រុមហ៊ុនរបស់លោក នឹងអាចចាប់ដៃគូសហការគ្នានាពេលអនាគត”៕
