ដោយៈ ម៉ាស័យ
ភ្នំពេញៈ ការសិក្សាថ្មីមួយបានរកឃើញថា តម្លៃជួលទីតាំងលក់រាយនៅរាជធានីភ្នំពេញ បានកើនឡើងនៅឆមាសទី១ឆ្នាំនេះ ស្របពេលផ្សារទំនើប បែបសហគមន៍ថ្មីមួយបានបញ្ចប់ការសាងសង់ នៅក្នុងខ័ណ្ឌទួលគោក។
យោងតាមរបាយការណ៍សិក្សា ដែលបង្ហាញដោយក្រុមហ៊ុនCBRE Cambodiaកាលពីសប្តាហ៍មុនបានបង្ហាញថា ផ្សារទំនើប “The Commons Community Mall”ស្ថិតនៅខណ្ឌទួលគោក ជាប្រភេទគម្រោងអចលនទ្រព្យលក់រាយ ដែលបានបញ្ចប់ការសាងសង់ក្នុងឆមាសទី១។
អត្រាគ្របដណ្តប់ការជួលទីតាំងលក់រាយ ទៅទូទាំងរាជធានីភ្នំពេញ សម្រេចបានចំនួន៥៨,៦ភាគរយក្នុងឆមាសទី១។
ការសិក្សាដដែលបានឲ្យដឹងទៀតថា តម្លៃជួលទីតាំងលក់រាយនៅតាមផ្សារទំនើប (Shopping Mall)បានកើនឡើង៤,៣ភាគរយ ក្នុងឆមាសទី១ ខណៈតម្លៃជួលទីតាំងលក់រាយ នៅតាមផ្សារទំនើបសហគមន៍ (Community Mall)បានធ្លាក់ចុះ៤,១ភាគរយ បើធៀបនឹងឆមាសទី១ ឆ្នាំ២០២៤៕
