ដោយ៖ ដែន ចែងចាំង
ភ្នំពេញ៖ ស្របពេលដែលអ្នកជំនាញមួយចំនួន បានលើកឡើងពីការធ្វើជំនួ ញដោយមិនចាំបាច់ប្រើប្រាស់ទុន លោកឧកញ៉ាសៀ រិទ្ឋីបានថ្លែងថា ចង់ធ្វើជំនួញដោយគ្មានទុន គឺត្រូវដេកស្រម័យទៅ។
លោកឧកញ៉ាសៀ រិទ្ឋីប្រធានក្រុមប្រឹក្សាភិបាលនៃក្រុមហ៊ុន World Bridge Group បានថ្លែងឲ្យដឹងកាលពីពេលថ្មីៗនេះថា ចង់ធ្វើជំនួញតែមិនមានទុនគឺត្រូវដេកស្រម័យទៀតទៅ ព្រោះធនាគារគេមិនឲ្យយើងខ្ចី១០០ភាគរយនោះទេ ប៉ុន្តែលោកបង្ហើបថា ដើម្បីធ្វើជំនួញបានយើងត្រូវមានកេរ្ត៍ឈ្មោះល្អ ត្រូវមានតម្លាភាព និងត្រូវធ្វើជាក្រុមហ៊ុនស្អាតស្អំ បង់ពន្ឋជូនរដ្ឋត្រឹមត្រូវ បើមិនដូច្នេះទេ គេមិនចង់រកស៊ី ឬទុកចិត្តរកស៊ីជាមួយយើងនោះទេ។
លោកឧកញ៉ាបានបន្តថា អ្វីត្រូវធ្វើបន្ថែមទៀត ត្រូវសិក្សាពីតម្រូវការទីផ្សារ សិក្សាពីប្រភពទុន និងសិក្សាពីធនធានមនុស្សរបស់ខ្លួនថាទៅមុខបានឬអត់ ទើបជាការល្អប្រសើរ ដើម្បីកំណត់បាននូវភាពជោគជ័យនៃក្រុមហ៊ុនរបស់ខ្លួន៕
