ដោយ: គង់ លាងហួរ
ភ្នំពេញ: ផលចំណេញពីការជួលអចលនទ្រព្យក្នុងប្រទេសកម្ពុជានៅតែមានភាពទាក់ទាញចំពោះបណ្តាអ្នកវិនិយោគ។ ជាពិសេស ការវិនិយោគខុនដូនៅតាមបណ្តាទីក្រុងធំៗ ដូចជា រាជធានីភ្នំពេញអាចផ្តល់នូវផលចំណេញខ្ពស់។
ការវិនិយោគខុនដូនៅទីក្រុងភ្នំពេញ ផ្តល់ផលចំណេញក្នុងអត្រាចន្លោះពី៦ភាគរយទៅ៨ភាគរយ ជាពិសេសនៅក្នុងតំបន់សម្បូរជនបរទេស ដូចជា តំបន់បឹងកេងកង១ ផ្សារទួលទំពូង និងខណ្ឌជ្រោយចង្វារ។ តំបន់ទាំងនេះទទួលបានអត្ថប្រយោជន៍ពីស្ថិរភាពនៃតម្រូវការជួលខុនដូ។
ចំណែក ការវិនិយោគលើផ្ទះវីឡាអាចផ្តល់ផលចំណេញក្នុងអត្រាចន្លោះពី៤ភាគរយទៅ៥ភាគរយនៅទីក្រុងភ្នំពេញ។ ការវិនិយោគលើផ្ទះវីឡាទាមទារការគ្រប់គ្រងដោយផ្ទាល់ និងទាក់ទាញអ្នកជួលរយៈពេលវែង។
