ដោយ រ៉ាណេត
ភ្នំពេញ៖ រាល់ការចេញមកឈរជើងប្រកបមុខជំនួញ នៅលើទីផ្សារដែលពោរពេញ ទៅដោយការប្រកួតប្រជែងវាមិនមែនជារឿងងាយស្រួល ដែលមនុស្សគ្រប់គ្នាសុទ្ធតែអាចធ្វើទៅបាននោះទេ។ ក្នុងនោះមានមនុស្សមួយចំនួនបានជួបជាមួយនឹងបញ្ហាបរាជ័យ នៅលើមុខជំនួញរបស់ខ្លួនដដែល ជាដដែលរហូតអស់ស្មារតីក្នុង្ការប្រយុទ្ធ ដើម្បីទទួលបានជ័យជំនះនៅលើទីផ្សារថែមទៀតផង។
បើអ្នកជួបភាពបរាជ័យលើមុខជំនួញ តើអ្នកគួរធ្វើយ៉ាងណា ?
អ្នកជំនាញ និងមានបទពិសោធន៍ខ្ពស់ក្នុងការប្រកបមុខជំនួញបានលើកឡើងថា បើចង់ទទួលបានជោគជ័យ ក្នុងការធ្វើជំនួញនាពេលបច្ចុប្បន្ននេះ អ្នកត្រូវមានភាពបត់បែនតាមកាលៈទេសៈ និងមានជំនាញក្នុងការធ្វើផែនការអាជីវកម្ម។ គេហទំព័រ www.propertyarea.asiaសូមនាំលោកអ្នកទៅស្វែងយល់ពីគន្លឹះសំខាន់ៗ ដើម្បីអាចទទួលបានជោគជ័យក្នុងអាជីវកម្មដូចខាងក្រោម។
១) ត្រូវមានការរៀបចំផែនការមុន
ដើម្បីទទួលជោគជ័យក្នុងមុខជំនួញ លោក អ្នកត្រូវមានការរៀបចំផែនការទុកមុនឱ្យបានរួចរាល់។ ជាពិសេសរៀបចំរចនាសម្ព័ន្ធ និងជួយអ្នកឱ្យបំពេញភារកិច្ចតាមផែនការ ហើយបន្តនូវអ្វីដែលត្រូវធ្វើ។ វិធីល្អក្នុងការធ្វើដូច្នេះ គឺបង្កើតបញ្ជីរការងារ ដែលត្រូវធ្វើជារៀងរាល់ថ្ងៃ។ នៅពេលអ្នកបញ្ចប់ធាតុនិមួយៗ សូមពិនិត្យមើលចំពោះបញ្ជីទាំងនោះឡើងវិញ។ នេះនឹងធានាថា អ្នកមិនភ្លេចអ្វីទេ ហើយអ្នកកំពុងបំពេញភារកិច្ចទាំងអស់ដែលចាំបាច់ សម្រាប់ការរស់រានមានជីវិតនៃអាជីវកម្មរបស់លោកអ្នក។
-->
២) បន្តកត់ត្រាឱ្យលម្អិត
អាជីវកម្មដែលទទួលបានជោគជ័យទាំងអស់ ត្រូវមានកំណត់ត្រាឱ្យបានលម្អិត និងជាក់លាក់។ កំណត់ត្រាលម្អិតនេះហើយ ដែលអាចឱ្យអ្នកនឹងដឹងថា តើជំនួញត្រូវចំណាយហិរញ្ញវត្ថុប៉ុន្មាន និងអ្វីដែលអ្នកអាចប្រឈម។ គ្រាន់តែដឹងរឿងនេះ ផ្តល់ឱ្យអ្នកនូវពេលវេលា ដើម្បីបង្កើតយុទ្ធសាស្ត្រ ដើម្បីយកឈ្នះលើបញ្ហាប្រឈមទាំងនោះ។
៣) ធ្វើការវិភាគក្នុងការប្រកួតប្រជែង
ការប្រកួតប្រជែងបង្កើតបានលទ្ធផលល្អបំផុត ដើម្បីទទួលបានជោគជ័យអ្នកមិនអាចខ្លាចរៀន និងរៀនពីដៃគូប្រកួតប្រជែងរបស់អ្នកនោះឡើយ។ យ៉ាងណាមិញ ពួកគេអាចធ្វើអ្វីដែលត្រឹមត្រូវ ដែលអ្នកអាចអនុវត្តនៅក្នុងអាជីវកម្មរបស់អ្នកដើម្បីរកប្រាក់បានច្រើន។
៤) ត្រូវយល់ដឹងពីហានិភ័យ
គន្លឹះក្នុងការទទួលបានជោគជ័យ គឺការទទួលយកហានិភ័យ ដែលបានគណនា ដើម្បីជួយអាជីវកម្មរបស់អ្នកឱ្យបានលូតលាស់។ សំណួរល្អមួយដែលត្រូវសួរគឺ “តើអ្វីទៅដែលជាការធ្លាក់ចុះ?” ប្រសិនបើអ្នកអាចឆ្លើយសំនួរនេះបាន អ្នកនឹងដឹងពីសេណារីយ៉ូដ៏អាក្រក់បំផុត។ ចំណេះដឹងនេះនឹងអនុញ្ញាតឱ្យអ្នកយកប្រភេទនៃហានិភ័យដែលបានគណនា អាចបង្កើតពានរង្វាន់យ៉ាងសម្បើម។
៥) ជាអ្នកមានគំនិតច្នៃប្រឌិត
ត្រូវស្វែងរកវិធីដើម្បីកែលម្អអាជីវកម្មរបស់អ្នក និងធ្វើឱ្យវាលេចធ្លោចេញពីការប្រកួតប្រជែងអាជីវកម្ម។ សូមទទួលស្គាល់ថា អ្នកមិនដឹងអ្វីគ្រប់យ៉ាង ហើយបើកចំហចំពោះគំនិតថ្មីៗ និងវិធីសាស្ត្រថ្មីៗចំពោះអាជីវកម្មរបស់អ្នក។
៦) ត្រូវផ្តោតអារម្មណ៍
ពាក្យចាស់លោកថា “គ្មានផ្ទះណាត្រូវបានសាងសង់រួចរាល់ ក្នុងរយៈពេលមួយថ្ងៃទេ”។ ក្នុងន័យនេះ អ្នកធ្វើអាជីវកម្មមួយមិនមានន័យថា អ្នកនឹងរកប្រាក់បានភ្លាមៗនោះទេ។ វាត្រូវការពេលវេលាដើម្បីឱ្យមនុស្សដឹងថា អ្នកជានរណា ដូច្នេះចូរបន្តផ្ដោតអារម្មណ៍លើការសម្រេចបាននូវគោលដៅនេះ។
៧) រៀបចំការលះបង់
ការឈានមុខគេក្នុងការចាប់ផ្តើមអាជីវកម្ម គឺជាការងារដ៏លំបាកបំផុត ។ ក្នុងករណីជាច្រើន អ្នកត្រូវចំណាយពេលច្រើនជាងពេល ដែលអ្នកធ្វើការឱ្យអ្នកដទៃ។ ជាលទ្ធផលអ្នកត្រូវតែធ្វើការលះបង់ដូចជា ចំណាយពេលតិចជាមួយគ្រួសារនិងមិត្តភក្តិដើម្បីទទួលជោគជ័យ។
៨) ត្រូវផ្តល់សេវាដ៏ល្អប្រសើរជាងគេ
មានអាជីវកម្មដែលទទួលបានជោគជ័យជាច្រើន ដែលភ្លេចថាការផ្តល់សេវាអតិថិជនដ៏ល្អជាងគេ គឺមានសារៈសំខាន់ណាស់។ ប្រសិនបើអ្នកផ្តល់នូវសេវាកម្មល្អប្រសើរ សម្រាប់អតិថិជនរបស់អ្នក ពួកគេនឹងមានទំនោរចង់មករកអ្នកនៅពេលដែលពួកគេត្រូវការអ្វីមួយជំនួសឱ្យការចូលរួមប្រកួតរបស់អ្នក។
៩) ត្រូវមានស្ថេរភាព
ភាពស្រុះស្រួលគ្នាគឺជាសមាសធាតុដ៏សំខាន់ក្នុងការរកលុយលើមុខជំនួញ។ អ្នកត្រូវតែបន្តធ្វើអ្វីដែលចាំបាច់ ដើម្បីទទួលបានជោគជ័យទាំងនៅខាងក្នុង និងខាងក្រៅ។ ទង្វើនេះនឹងបង្កើតជាទម្លាប់វិជ្ជមាន ដែលនឹងជួយអ្នករកលុយក្នុងរយៈពេលវែងបានដោយស្រួល៕
