ដោយៈ គង់ សូរិយា
ភ្នំពេញៈ កំណើនភ្ញៀវទេសចរណ៍អន្តរជាតិ និងការមកដល់នៃអ្នកធ្វើធុរកិច្ចចម្រុះជាតិសាសន៍ បានធ្វើឲ្យសេវាកម្មបដិសណ្ឋារកិច្ចនៅកម្ពុជាមានភាពរីកចម្រើន។
ការសិក្សារបស់ក្រុមហ៊ុនអន្តរជាតិមួយបានរកឃើញថា ទីក្រុងភ្នំពេញ ស្ថិតក្នុងចំណោមគោលដៅទីក្រុង ដែលមានឱកាសរីកចម្រើនផ្នែកបដិសណ្ឋារកិច្ចជាមួយទីក្រុងធំៗចំនួន៤ទៀត រួមមាន កោះបាលី ទីក្រុងឌូបៃ និងទីក្រុងមួយចំនួននៅប្រទេសវៀតណាម។
ការសិក្សាបានរកឃើញផងដែរថា ការស្ទុះងើបនៃការធ្វើដំណើរងើបឡើងវិញយ៉ាងខ្លាំងនៅអាស៊ី មជ្ឈិមបូព៌ា និងអឺរ៉ុបខាងត្បូង ដែលធ្វើឲ្យសណ្ឋាគារ រមណីយដ្ឋាន និងសេវាកម្មអាផាតមិន នៅក្នុងគោលដៅទេសចរណ៍សំខាន់ៗ (ឧ. បាលី ឌូបៃ កម្ពុជា វៀតណាម) មានភាពទាក់ទាញ។
ជាមួយគ្នានេះ គំរោងអភិវឌ្ឍន៍សម្រាប់ការប្រើប្រាស់ចម្រុះមានភាពទាក់ទាញនៅកម្ពុជាផងដែរ ដែលការអភវឌ្ឍបែបនេះផ្តល់នូវបរិយាកាសការងារផ្ទាល់ និងបរិស្ថានអំណោយផល។
ការរួមបញ្ចូលលំនៅដ្ឋាន ការិយាល័យ ការលក់រាយ និងការកម្សាន្តនៅក្នុងលំហតែមួយ ធានានូវលំហូរប្រាក់ចំណូលថេរ។
ការសិក្សាបានរកឃើញថា ការវិនិយោគរយៈពេលខ្លី (2025-2026): ផ្តោតលើការដឹកជញ្ជូន លំនៅដ្ឋានតម្លៃសមរម្យ និងការងើបឡើងវិញនៃបដិសណ្ឋារកិច្ចនៅកម្ពុជា ហើយការវិនិយោគរយៈពេល មធ្យម/វែង (លើសពីឆ្នាំ 2026) បានផ្តោតលើមជ្ឈមណ្ឌលទិន្នន័យ ការថែទាំសុខភាព និងការអភិវឌ្ឍន៍ប្រកបដោយនិរន្តរភាព៕
