ដោយ គង់់ សូរិយា
ភ្នំពេញ៖ ក្រុមវិស្វករជំនាញរបស់កូរ៉េ និងថៃបានចុះសិក្សាពីទីតាំងនិងថរៀបចំផែនការ ដើម្បីឈានទៅបើកការដ្ឋានសាងសង់រមណីយដ្ឋាន និងផ្សារបណ្តែតទឹកជាលើកដំបូងនៅក្នុងស្រុកបន្ទាយស្រី ខេត្តសៀមរាប។
លោកសាស្រ្តាចារ្យ ទួស សាភឿន សហភាគហ៊ុនិកនៃក្រុមហ៊ុនវិនិយោគបុរីអង្គរលែនដ៏ម៉ាកបានមានប្រសាសន៍ឲ្យដឹងតាមប្រព័ន្ឋតេឡេក្រាមមុននេះបន្តិចថា ថ្ងៃនេះដៃគូជាក្រុមវិនិយោគថៃ និងកូរ៉េខាងត្បូង ដឹកនាំក្រុមជំនាញ វិស្វករ ស្ថាបត្យករ ចុះពិនិត្យទីតាំងគម្រោង ផ្សារបណ្តែតទឹក រីសត និងសួនសត្វសិប្បនិ្នមិត្ត និងសួនផ្ការជាង៥ពាន់ពូជចម្រុះ ក្នុងគម្រោងទីតាំងបុរីអង្គរលែនម៉ាក្សបន្ទាយស្រី ខេត្តសៀមរាប ដើម្បីរៀបចំទីតាំងចាប់ដំណើការសាងសង់គម្រោងឆាប់ៗខាងមុខនេះ។
លោកបន្តថា “យើងបាននិងកំពុងសុំច្បាប់ទៅរដ្ឋាភិបាល ដើម្បីសាងសង់គំរោងនេះ ដែលរំពឹងថាក្រុមហ៊ុននឹងបើកការដ្ឋានសាងសង់នាពេលឆាប់ៗនេះ”។
ខេត្តសៀមរាបក្រៅពីទេសចរណ៏បេតិកភណ្ឌ័វប្បធម៌ និងធម្មជាតិ ឥឡូវយើងមានទេសចរណ៍ បែបសិប្បន្និមិត្តបន្ថែមទៀតអោយសម្បូរបែប ហើយវត្តមានគម្រោងនេះ និងជួយលើកតំលៃកិត្យានុភាពទេសចរណ៍នៅកម្ពុជាកាន់តែល្បីល្បាញឡើង។
គំរោងរមណីយដ្ឋាន និងផ្សារបណ្តែតទឹកតម្លៃ ២០០លានដុល្លារនៅខេត្តសៀមរាបគ្រោងសាងសង់នៅចុងឆ្នាំនេះ លោកសាស្រ្តាចារ្យ ទួស សាភឿន សហភាគហ៊ុនិកនៃបុរីអង្គរលែនដ៏ម៉ាក ដែលបាននាំ ក្រុមហ៊ុនថៃធំៗចំនួន៣មកវិនិយោគនៅកម្ពុជាបានមានប្រសាសន៍ឲ្យដឹងបន្តថាបច្ចុប្បន្នក្រុមហ៊ុនកំពុងរត់ការច្បាប់ដើម្បីសាងសង់គំរោងនេះដែលគ្រោងនឹងចាប់ផ្តើមសាងសង់នៅចុងឆ្នាំនេះប្រសិនជាអ្វីៗដំណើរការបានតាមការគ្រោងទុក។លោកបន្តថាគំរោងរមណីយដ្ឋាននិងផ្សារបណ្តែតទឹកលើកដំបូងនៅកម្ពុជានេះស្ថិតនៅលើផ្ទៃដី៥០ហិកតា។
លោកបន្តថា“គំរោងនេះគ្រោងបោះទុនវិនិយោគជាង ២០០លានដុល្លារអាមេរិកដែលជាគំរោងសម្បនិម្មិតធំមួយនិងជាគំរោងលើកដំបូងនៅកម្ពុជាក៏ដូចជាក្នុងខេត្តសៀមរាប”។ លោកបន្តថា“គំរោងនេះនឹងរួមចំណែកទាក់ទាញភ្ញៀវទេសចរណ៍ជាតិអន្តរជាតិស្នាក់នៅនិងកំសាន្តក្នុងខេត្តសៀមរាបកាន់តែយូរថែមទៀត”។
ក្រុមហ៊ុនថៃទាំងបីដែលបានចុះកិច្ចព្រមព្រៀងសហការវិនិយោគគំរោងនេះរួមមានក្រុមហ៊ុន SinCorp ក្រុមហ៊ុន Chang Siem Corporation និងក្រុមហ៊ុនTPI ដែលជាក្រុមហ៊ុនផលិតស៊ីម៉ត៍ខនគ្រីតធំជាងគេនៅប្រទេសថៃ។
លោកសាស្រ្តាចារ្យ ទួស សាភឿន បានបន្តថាគំរោងនេះមានភាពចម្រុះដោយមានលំនៅដ្ឋានបែបលំហែរកាយភោជនីយដ្ឋានផ្សារបណ្តែតទឹកដែលនឹងសាងសង់លើផ្ទៃដី ៥០ហិកតាហើយវានឹងជាផ្សារបណ្តែតទឹកធំជាងគេនៅកម្ពុកជានិងសួនសប្បនិម្មិតស្ថិតនៅលើផ្ទៃដី ២០ហិកតាដែលសួននេះនឹងមានសត្វចម្រុះដែលផុតពូជពីពិភពលោកនេះ។
លោកសាស្រ្តាចារ្យបានបន្តថា “ក្រុមហ៊ុនរបស់យើងនឹងចុះ MOU ជាមួយក្រុមហ៊ុនទាំងនោះនៅថ្ងៃទី២០ កម្ភៈនេះដើម្បីចាប់ផ្តើមអភិវឌ្ឍន៍គំរោងនេះដែលវាជាគំរោងទី១នៅក្នុងខេត្តសៀមរាប”៕