ដោយ វុត្ថា
សេអ៊ូល៖ ក្រុមហ៊ុន Lotte Group សម្រេចបោះទុនប្រមាណ ២.៦ពាន់លានដុល្លារអាមេរិកវិនិយោគអាគារពាណិជ្ជកម្មនៅក្នុងប្រទេសចិន បន្ទាប់ពីក្រុមហ៊ុនមួយនេះ បានផ្អាក់នៅបណ្តោះអាសន្នកាលពីឆ្នាំ ២០១៧ កន្លងមកនេះ។
យោងតាមការចុះផ្សាយតាមសារព័ត៌មាន NIKKEI របស់ប្រទេសជប៉ុនកាលពេលថ្មីៗនេះបានឲ្យដឹងថា ក្រុមហ៊ុនអាចលនទ្រព្យដ៏ធំរបស់កូរ៉េមួយនេះ បានសាងសង់អគារពាណិជ្ជកម្មដែលរួមមានផ្សារទំនើប សណ្ឋាគារ ការិយាល័យធ្វើការ និងអាផាតមិនជាដើមនៅក្នុងទីក្រុង Shenyang របស់ប្រទេសចិន ដែលគ្រោងនឹងបញ្ចប់នៅក្នងចុងឆ្នាំ២០១៩ ខាងមុខនេះ។
-->
អាជ្ញាធរនៃប្រទេសចិន បានផ្អាកគម្រោងសាងសង់ និងសកម្មភាពនានារបស់ក្រុមហ៊ុន ក្រោមការត្រួតពិនិត្យសុវត្ថិប្រព័ន្ធភ្លើង ប៉ុន្តែខាងក្រុមហ៊ុនបានអះអាង សកម្មភាពនេះភ្ជាប់ទៅនឹងមិនពេញចិត្តរបស់ចិន ដែលចំពោះរដ្ឋាភិបាលកូរ៉េបានផ្តល់ដីមួយកន្លែងរបស់ក្រុមហ៊ុនទៅអោយសហរដ្ឋអាមេរិក ដាក់ប្រព័ន្ធមីស៊ីលការពារតាំងពីខែកុម្ភៈ ឆ្នាំ ២០១៧ កន្លងមកនេះ។
សារព័ត៌មាននេះបន្តទៀតថា អាជ្ញាធរក្រុង Shenyang បានផ្តល់ការអនុញ្ញាតសាងសាងឡើងវិញនៅក្នុងពាក់កណ្តាលខែមេសា ឆ្នាំ ២០១៩ កន្លងមកនេះ ហើយការសាងសង់ឡើងវិញនៅក្នុងពាក់កណ្តាលខែឧសភា នាពេលខាងមុខដ៏ខ្លី។
តំណាងក្រុមហ៊ុន Lotte Group ឲ្យដឹងថា នេះគឺជារឿងល្អដែលដែលក្រុមហ៊ុនអាចបន្តគម្រោងរបស់ខ្លួនឡើងវិញនៅ Shenyang បន្ទាប់ពីរង់ចាំអស់រយៈពេលជាងពីរឆ្នាំ ហើយក្រុមហ៊ុមសង្ឃឹមថា សញ្ញាវិជ្ជមាននេះអាចជំរុញតំបន់ពាណិជ្ជកម្មផ្សេងទៀតដូចជាវិស័យទេសចរណ៍នាពេលអនាគត ឲ្យមានការរីកច្រើនបន្ថែមទៀតរវាងប្រទេសកូរ៉េ និងចិន៕
