ដោយៈ ម៉ាណា
ភ្នំពេញៈ ស្ថាបនិកCEO Master Clubលោកបណ្ឌិតអោម សេងបូរ៉ា បានលើកឡើងថា ខ្មែរពិតជារីករាយណាស់ដែលមិត្តអ្នកអភិវឌ្ឍអចលនទ្រព្យដ៏ធំមួយ នៅសហរស្ឋអាមេរិក បានបើកបេះដូងមកប្រទេសកម្ពុជា។
លោកបណ្ឌិតបានសរសេរ តាមរយៈបណ្តាញទំនាក់ទំនងសង្គមថា “តាមការស្នើសុំដ៏ទទូចពីខ្ញុំ និងក្រុមការងារ🇺🇸 ខ្ញុំដឹងថាអ្នកខ្លាំងមិនងាយនឹងមករកយើងធម្មតាតូចតាចទេ”។លោកបន្តថា “ដូច្នេះដើម្បីយើងអាចស្រូបឆ្លងយកភាពខ្លាំងបាន យើងត្រូវតែចេញទៅរកអ្នកខ្លាំងដើម្បីមកសហការជាមួយយើងឱ្យបាន”។
លោកបន្តទៀតថា “ចង់រីកចម្រើនលំដាប់ថ្នាក់ពិភពលោក យើងត្រូវតែពង្រីកខ្លួនទៅកាន់ពិភពលោក។ ខ្មែរយើងមិនអាចមើលឃើញសមុទ្រដោយនៅតែក្នុងអណ្តូងឡើយ”។
លោកបណ្ឌិតអោម សេងបូរ៉ាបានបន្តទៀតថា អាជីវកម្មរបស់យើងក៏មិនអាចរីកចម្រើន អស់ពីសក្តានុពលដែរ ប្រសិនបើយើងមិនបានយកវាទៅកាន់ពិភពលោកនោះ។ នៅពេលដែលយើងអាចពង្រីកអាជីវកម្មទៅអាមេរិកបាន មានន័យថាយើងមិនត្រឹមតែអាចពង្រីកអាជីវកម្មទៅកាន់ពិភពលោក ហើយបង្កើតប្រាក់ចំណេញ ពីបរទេសមកកម្ពុជាប៉ុនណោះទេ តែយើងថែមទាំងនាំឈ្មោះកម្ពុជា ទៅកាន់ពិភពលោកផងដែរ។
លោកបញ្ជាក់ថា “បងប្អូនដែលមានលទ្ធភាពហិរញ្ញវត្ថុ ហើយចង់ពង្រីកអាជីវកម្ម ទៅសហរដ្ឋអាមេរិក អាចពិភាក្សាជាមួយក្រុមការងារយើងខ្ញុំបាន”៕
