ដោយៈ ស៊ីវ ម៉េង
ភ្នំពេញៈ មានភស្តុតាងច្បាស់លាស់ដែលបង្ហាញថា វិនិយោគិនបរទេសបានសម្លឹងមើល វិស័យអចលនទ្រព្យនៅកម្ពុជា សម្រាប់ឆ្នាំ ២០២៦ និងឆ្នាំបន្តបន្ទាប់។
ចំណុចទាំងអស់នេះ ជាមូលដ្ឋានសំខាន់ៗដែលមានការពិចារណាលើឱកាស និងហានិភ័យផងដែរ។
ការវិភាគៈ វិនិយោគិនបរទេសកំពុងសម្លឹងមើលឱកាសវិនិយោគអចលនទ្រព្យនៅកម្ពុជានៅឆ្នាំ២០២៦
ហេតុអ្វីបានជាអចលនទ្រព្យនៅកម្ពុជា ត្រូវបានគេមើលឃើញថាមានភាពទាក់ទាញ?
ចម្លើយគឺអ្នកទិញបរទេស បានគ្របដណ្ដប់ទីផ្សារខុនដូរួចហើយ នៅឆ្នាំ២០២៥ ប្រហែល៨២ភាគរយនៃការទិញខុនដូ នៅកម្ពុជាត្រូវបានទិញដោយជនបរទេស។
រដ្ឋាភិបាលបានធ្វើឱ្យការវិនិយោគ លើអចលនទ្រព្យកាន់តែងាយស្រួល តាមរយៈការកាន់កាប់អាផាតម៉ិន ដែលមានប្លង់កម្មសិទ្ធិ (ឧទាហរណ៍ ជនបរទេសអាចកាន់កាប់ខុនដូនៅពីលើដី) ដែលកម្រមាននៅក្នុងតំបន់។
លោកយិន លាងគង់សហស្ថាបនិក និងអគ្គនាយកគេហទំព័រPropertyarea.asia និងជាប្រធានសមាគមសហគ្រិនសារព័ត៌មានសេដ្ឋកិច្ចកម្ពុជាបានលើកយកការវិភាគមួយចំនួនមកបង្ហាញកាលពីថ្ងៃទី២៣ តុលា។
លោកបានបញ្ជាក់ថា “ការអភិវឌ្ឍហេដ្ឋារចនាសម្ព័ន្ធ និងនគរូបនីយកម្មរបស់រដ្ឋាភិបាលគឺជាការគាំទ្រដ៏សំខាន់ដល់វិស័យនេះ”។
លោកបានលើកជាឧទាហរណ៍ថា ការកើនឡើងនៃវណ្ណៈកណ្តាល ការកើនឡើងនៃទេសចរណ៍ ការតភ្ជាប់ដឹកជញ្ជូនថ្មី និន្នាការទាំងនេះធ្វើឱ្យអចលនទ្រព្យកាន់តែទាក់ទាញ។
លោកបន្តថា អ្នកជំនាញជាច្រើនបានបង្ហាញការព្យាករណ៍ផងដែរថា ការងើបឡើងវិញនៃវិស័យអចលនទ្រព្យ ប្រហែលចាប់ផ្តើមពីឆ្នាំ ២០២៦-២០២៧។
ជាមួយនឹងភាគស្រពិចស្រពិលនៃទីផ្សារនេះ ការកើនឡើងនូវការផ្គត់ផ្គង់លើសតម្រូវការលើផ្នែកមួយចំនួន ដូចជា អាគារការិយាល័យ ខុនដូ ផ្សារទំនើប ក៏អ្នកវិនិយោគត្រូវគិតគូពីហានិភ័យសំខាន់ៗផងដែរ។នេះបើតាមលោកយិន លាងគង់បញ្ជាក់។
លោកបន្តថា “ជនបរទេសមិនអាចកាន់កាប់ដីធ្លី ដោយផ្ទាល់នៅកម្ពុជាបានទេ។ ពួកគេអាចកាន់កាប់អង្គភាពប្លង់កម្មសិទ្ធិ (ខុនដូ) ប៉ុន្តែមិនមែនជាដីដែលមានកម្មសិទ្ធិស្របច្បាប់ ក្រោមរដ្ឋធម្មនុញ្ញរបស់កម្ពុជាទេ”។ លោកបន្ថែមថា “ប៉ុន្តែយ៉ាងណា អ្នកវិនិយោគបរទេសមានសិទ្ឋទិញដីបាន ដោយប្រើប្រាស់ច្បាប់បរធនបាលកិច្ច”។
លោកបន្តថា សម្ពាធផ្គត់ផ្គង់លើសតម្រូវការ និងការកំណត់តម្លៃ ផ្នែកខ្លះនៃទីផ្សារ (ជាពិសេសខុនដូលំដាប់ខ្ពស់) កំពុងឃើញតម្រូវការមានកម្រិត និងហានិភ័យនៃការហួសកម្រិត។
ជាមួយគ្នានេះ ហានិភ័យហិរញ្ញប្បទាន និងម៉ាក្រូ៖ ធនាគារមានការប្រុងប្រយ័ត្នជាងមុន ហើយហានិភ័យសកល/វិនិយោគកាន់តែទូលំទូលាយត្រូវបានអនុវត្តន៍។
លោកយិន លាងគង់បានបន្តថា បើផ្អែកលើចំណុចខាងលើ សម្រាប់ឆ្នាំ២០២៦ ស្ថានភាពហាក់ដូចជា ជនបរទេសកំពុងស្វែងរក ហើយសក្តានុពលនៅតែល្អ ជាពិសេសនៅក្នុងខុនដូនៅភ្នំពេញ សៀមរាប ឬតំបន់ឆ្នេរសមុទ្រដែលមានតម្រូវការខ្ពស់។ ប៉ុន្តែទីផ្សារមិនមានហានិភ័យទេ ប្រសិនជាការជ្រើសរើសធ្វើឡើងដោយប្រុងប្រយ័ត្ន៕
