ដោយៈ គង់ សូរិយា
ភ្នំពេញៈ ចំនួនប្រជាពលរដ្ឋរស់នៅរាជធានីភ្នំពេញ បានកើនឡើងជារៀងរាល់ឆ្នាំ ជាមួយនឹងអត្រាជាក់លាក់ និងមិនជាក់លាក់អាស្រ័យលើកត្តាសេដ្ឋកិច្ច និងសង្គម។
យោងតាមរបាយការណ៍មួយបានបង្ហាញថា ចំនួនប្រជាជននៅទីក្រុងភ្នំពេញបានកើនឡើងប្រហែល៣,១ ភាគរយក្នុងមួយឆ្នាំ ក្នុងរយៈពេលប៉ុន្មានឆ្នាំចុងក្រោយនេះ នេះបើយោងតាមការប៉ាន់ស្មានតំបន់ទីប្រជុំជន។ ឧទាហរណ៍ប្រជាជនបានកើន ពីប្រហែល2,353,000 នាក់ក្នុងឆ្នាំ2024 ដល់2,426,000 នាក់ក្នុងឆ្នាំ2025នៅក្នុងរាជធានីមួយនេះ។
ការកើនឡើងពីឆ្នាំ២០២៤ ដល់ឆ្នាំ២០២៥ ត្រូវបានប៉ាន់ប្រមាណថាមានចំនួនប្រហែល73,000 នាក់។
ទិន្នន័យបានបង្ហាញទៀតថា ពីឆ្នាំ២០២២ ដល់ឆ្នាំ២០២៣ កំណើនមានប្រហែល 3.17%។
ទាក់ទងនឹងទំហំរាជធានីមួយនេះ ការសិក្សាបានរកឃើញផងដែរថា ទីក្រុងភ្នំពេញមានទំហំប្រហែល692.46គីឡូម៉ែត្រការ៉េ។ នេះបើយោងតាមឯកសារ“ទីក្រុងឆ្លាតវៃ”។
បើគិតពីឆ្នាំ២០១៩ ដល់បច្ចុប្បន្ន ទីក្រុងនេះមានទំហំកើនឡើង “6ដង” នៃទំហំមុនរបស់វា ដែលឈានដល់679 គីឡូម៉ែត្រការ៉េ។
ការព្យាករណ៍មួយបាននិយាយថា អត្រាកំណើនទីក្រុងទូទាំងប្រទេស នឹងមានជាមធ្យមប្រហែល 2.5% ជារៀងរាល់ឆ្នាំ ដែលមានន័យថា ទីក្រុងភ្នំពេញអាចបន្តកើនឡើង ក្នុងអត្រាស្រដៀងគ្នា ប៉ុន្តែប្រហែលជាខ្ពស់ជាងបន្តិច៕
