ដោយ វុត្ថា
ភ្នំពេញ៖ រដ្ឋបាលខេត្តព្រះសីហនុ សម្រេចអោយកាត់ទំលាក់ខ្សែកាបអុបទិកសំពីងសំពោងតាមដងផ្លូវចេញ ដោយដាក់កប់ក្រោមដីជំនួសវិញ ដើម្បីរក្សាសោភ័ណភាពទីក្រុង។
លោក ម៉ាង ស៊ីណេត អភិបាលរងខេត្តព្រះសីហនុ បានថ្លែងក្នុងកិច្ចប្រជុំជាមួយជំនាញពាក់ពន្ធ័ និងប្រតិបត្តិករខ្សែកាបជាច្រើនក្រុមហ៊ុន នៅថ្ងៃទី៨ឧសភា២០១៩ថា នៅថ្ងៃទី៣ ខែមិថុនាឆ្នាំ២០១៩ខាងមុខនេះ មន្រ្តីជំនាញពាក់ព័ន្ឋ ត្រូវតែកាត់ទំលាក់ខ្សែកាបលើអាកាសនៅតាមដងផ្លូវសំខាន់ៗចំនួន៨ខ្សែ ដើម្បីធានាសោភណ្ឌភាពក្រុង។
លោក សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានក្រុមថ្នាក់ជាតិចុះជួយខេត្តព្រះសីហនុ នៅក្នុងពិធីសំណេះសំណាលជាមួយមន្ត្រី និងនិយោជិត នៃកំពង់ផែស្វយ័តខេត្តព្រះសីហនុ កាលពីពេលថ្មីៗនេះ បានផ្តល់ជាមតិណែនាំ និងសំណូមពរមួយចំនួនដល់អាជ្ញាធរខេត្ត និងអ្នកពាក់ព័ន្ធដើម្បីធ្វើយ៉ាងណា ឲ្យខេត្តព្រះសីហនុឲ្យក្លាយទៅជាខេត្តមួយ ដែលមានភាពទាក់ទាញភ្ញៀវទេសចរណ៍ជាតិ អន្តរជាតិ រួមជាមួយនឹងភ្ញៀវវិនិយោគិនជាតិ និងអន្តរជាតិផ្សេង៕
