កសិករនៅខេត្តចំនួន៥ទទួលបានកម្ចីការប្រាក់ទាបក្រោមការសម្របសម្រូលពីក្រសួងកសិកម្ម ខណៈកិច្ចសន្យាថ្មីទឹកប្រាក់ជិត៧លានដុល្លារត្រូវបានចុះហត្ថលេខា

ដោយៈ ម៉ាណា

    កំពង់ធំៈ កិច្ចសន្យាបន្ថែមទំហំជិត៧លានដុល្លារ ត្រូវបានធ្វើឡើងរវាងក្រុមហ៊ុនបៃតង និងសហគមន៍កសិកម្មទំនើបចំនួន២ផ្សេងទៀតនៅខេត្តកំពង់ធំ។

ពិធីនេះធ្វើឡើងក្រោមអធិបតីភាព លោកឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ សម្រាប់ការផ្គត់ផ្គង់ស្រូវសែនក្រអូប និងស្រូវស្រង៉ែស្រាល នៅលើផ្ទៃដីប្រមាណ៦០០០ហិកតា ដែលធ្វើឱ្យបរិមាណស្រូវសរុប ដែលបានចុះកិច្ចសន្យាជាមួយក្រុមហ៊ុនបៃតង កើនដល់ជាង៤ម៉ឺនតោន ស្មើនឹង៩,២លានដុល្លារ។