ដោយ: សហសេវិក
អន្តរជាតិ: យោងតាមកាសែត Reuters បានរាយការណ៍ថា ទីផ្សារអចលនទ្រព្យរបស់ប្រទេសអ៊ីតាលីអាចនឹងវ៉ាដាច់បណ្តាប្រទេសដទៃទៀតនៅតំបន់អឺរ៉ុបនៅឆ្នាំ២០២៦ ដោយសារស្ថិរភាពនយោបាយ និងភាពអំណោយផលនៃបទប្បញ្ញត្តិ។
ក្រុមហ៊ុនស្រាវជ្រាវអចលនទ្រព្យ Scenari Immobiliari ព្យាករថា ប្រតិបត្តិការទិញ-លក់របស់ទីផ្សារអចលនទ្រព្យនៅប្រទេសអ៊ីតាលីនឹងកើនឡើង៨,៤ភាគរយនៅឆ្នាំនេះដល់ទំហំទឹកប្រាក់ចំនួន១៧៥,៨ពាន់លានអឺរ៉ូ (ប្រមាណ២០៥ពាន់លានដុល្លារ) ដោយទីផ្សារលំនៅឋាននឹងគ្របដណ្តប់ចំនួនជាង៨០ភាគរយ។
កំណើននេះនឹងវ៉ាដាច់កំណើន៧ភាគរយនៅក្នុងទីផ្សារអចលនទ្រព្យរបស់ប្រទេសអេស្ប៉ាញ កំណើន៦,៦ភាគរយនៅចក្រភពអង់គ្លេស កំណើន៤,១ភាគរយនៅអាល្លឺម៉ង់ និងកំណើន៣,២ភាគរយនៅបារាំង។
