ដោយៈ ម៉ាលីនណា
អន្តរជាតិៈ ការរត់ប្រណាំងផ្នែកស្ថាបត្យកម្ម មិនត្រឹមជាអំណួតរបស់ប្រជាជាតិមួយនោះទេ តែស្ថាបត្យកម្មដ៏ទាក់ទាញ និងខ្ពស់កប់ពពកក៏ជាផ្នែកមួយនៃការអភិវឌ្ឍវិស័យទេសចរណ៍ផងដែរ។
តោះមកដឹងពីអាគារខ្ពស់ជាងគេទាំង១០ នៅលើពិភពលោកប្រចាំឆ្នាំ២០២៦។
ចំណាត់ថ្នាក់អគារកម្ពស់លេខ១ នៅតែជាអាគារដែលរក្សាបានកំណត់ត្រាដដែល គឺអាគារ
១. អគារ Burj Khalifa
ស្ថាបត្យកម្មលំដាប់ទី១នេះ មានកំពស់៨២៨ម៉ែត្រ មានទីតាំង ទីក្រុងឌូបៃ ប្រទេសអារ៉ាប់រួម។
ស្ថាបត្យកម្មដ៏មហស្ចារ្យនេះ បានចំណាយទុនសាងសង់ប្រហែល 1.5 ពាន់លានដុល្លារអាមេរិក។
- 2. អគារ Merdeka 118
ក្រៅពីអាគារPeronas Twin Towerប្រទេសម៉ាឡេស៊ី បានសាងសង់អាគារដ៏ខ្ពស់លំដាប់ទី២នៅលើសកលលោក ដែលមានកំពស់រហូតដល់678.9 ម៉ែត្រ។
អាគារដ៏ខ្ពស់នេះ មានទីតាំងនៅទីក្រុងគូឡាឡាំពួ ប្រទេសម៉ាឡេស៊ី ដែលចំណាយទុនសាងសង់ ប្រហែល 1.2–1.5 ពាន់លានដុល្លារអាមេរិក។
- 3. អគារ Shanghai Tower
ចំណាត់ថ្នាក់លេខ៣ បានទៅលើប្រទេសចិន ដែលសាងសង់អាគារមួយមានឈ្មោះShanghai Tower ដែលកានកំពស់រហូតដល់632 ម៉ែត្រ។
ស្ថាបត្យកម្មលំដាប់កំពូលនេះ ស្ថិតនៅទីក្រុងសៀងហៃ ប្រទេសចិន ដែលបានចំណាយទុនសាងសង់ អស់ប្រហែល 2.4 ពាន់លានដុល្លារអាមេរិក។
- 4. អគារ Makkah Royal Clock Tower
ឈរនៅលំដាប់ទី៤ អាគារនេះមានកំពស់រហូតដល់601 ម៉ែត្រ
មានទីតាំងស្ថិតនៅក្នុង ទីក្រុងMecca ប្រទេសអារ៉ាប៊ីសាអូឌីត ដែលបានចំណាយទុនវិនិយោគអស់ប្រហែល15 ពាន់លានដុល្លារអាមេរិក (ស្មុគស្មាញ Abraj Al-Bait)។
- 5. មជ្ឈមណ្ឌលហិរញ្ញវត្ថុPing An
ស្ថិតនៅប្រទេសចិនផងដែរ អាគារនេះមានកំពស់599 ម៉ែត្រ មានទីតាំងស្ថិតនៅក្នុងទីក្រុងទីក្រុង Shenzhen ប្រទេសចិន ដែលចំណាយទុនវិនិយោគអស់ ប្រហែល 1.5 ពាន់លានដុល្លារអាមេរិក។
- 6. អាគារ Lotte World Tower
ប្រទេសកួរ៉េខាងត្បូង ក៏មិនអន់ផងដែរ ដោយប្រទេសនេះបានរំលេច ស្ថាបត្យកម្មកំពូលកំពស់555.7 ម៉ែត្រ មានទីតាំងស្ថិតក្នុងទីក្រុងសេអ៊ូល ប្រទេសកូរ៉េខាងត្បូង។
អាគារដ៏ខុ្ពស់មួយនេះ បានចំណាយទុនវិនិយោគប្រមាណ 3.1 ពាន់លានដុល្លារអាមេរិក។
- 7. មជ្ឈមណ្ឌលពាណិជ្ជកម្មពិភពលោកមួយ(World Trade Center)
ស្ថាបត្យកម្មនេះ មានកំពស់រហូតដល់541.3 ម៉ែត្រ មានទីតាំងនៅទីក្រុងញូវយ៉ក សហរដ្ឋអាមេរិក និងចំណាយទុនវិនិយោគប្រហែល3.9 ពាន់លានដុល្លារអាមេរិក។
- 8. មជ្ឈមណ្ឌលហិរញ្ញវត្ថុ Guangzhou CTF
ស្ថាបត្យកម្ម ឈរនៅលើលេខរៀងលំដាប់ទី៨នេះ មានកំពស់530ម៉ែត្រ ស្ថិតនៅក្នុងទីក្រុងក្វាងចូវ ប្រទេសចិន ដែលបានចំណាយទុនវិនិយោគប្រហែល 1.5 ពាន់លានដុល្លារអាមេរិក។
- 9. មជ្ឈមណ្ឌលហិរញ្ញវត្ថុ Tianjin CTF
ស្ថាបត្យកម្មស្ថិតនៅលេខរៀងទី៩នេះ ក៏ស្ថិតនៅក្នុងប្រទេសចិនផងដែរ ដោយអាគារនេះមានកំពស់530ម៉ែត្រ និងមានទីតាំងស្ថិតនៅក្នុងទីក្រុងធានជីន ប្រទេសចិន និងបានចំណាយទុនវិនិយោគប្រហែល 1.2 ពាន់លានដុល្លារអាមេរិក។
10.អគារ CITIC Tower
ទោះបីមានស្ថាបត្យកម្មមិនឈរលំដាប់ថ្នាក់ទី១ក្តី ក៏មហាយក្សចិន មានអាគារខ្ពស់លំដាប់ពិភពលោកច្រើនជាងគេ ដោយអាគារCITIC TOWER មានកំពស់រហូតដល់527.7ម៉ែត្រ និងមានទីតាំងស្ថិតនៅរដ្ឋធានីប៉េកាំង ប្រទេសចិន៕
