ដោយៈ អន្តរ
ហ្វីលីពីនៈ ប្រសិនបើអ្នកកំពុងសម្លឹងមើលប្រទេសហ្វីលីពីន ចាប់ពីឆ្នាំ២០២៦ ដល់ឆ្នាំ២០៣០ អ្នកវិភាគអចលនទ្រព្យភាគច្រើនមើលឃើញឱកាស ប៉ុន្តែពួកគេណែនាំឱ្យជ្រើសរើស ព្រោះវិស័យផ្សេងៗគ្នាកំពុងងើបឡើងវិញក្នុងល្បឿនខុសៗគ្នា។
តំបន់ដែលមានសក្តានុពលវិនិយោគខ្លាំងបំផុត
១. ទីក្រុង Bonifacio Global City (BGC)
ទីផ្សារការិយាល័យ និងលំនៅដ្ឋានប្រណីតខ្លាំងបំផុតមួយ ដោយសារមានការគាំទ្រដោយក្រុមហ៊ុនពហុជាតិ ហិរញ្ញវត្ថុ និងក្រុមហ៊ុន IT-BPM។
សមស្របសម្រាប់ការកើនឡើងដើមទុន រយៈពេលវែងជាជាងទិន្នផលជួលខ្ពស់។
២. តំបន់ Clark Freeport Zone
វាជាតំបន់មានសក្តានុពលខ្លាំង ក្នុងគម្រោងឧស្សាហកម្ម ភស្តុភារ ឃ្លាំង និងលំនៅដ្ឋាន ដោយសារតំបន់នេះ ទទួលបានអត្ថប្រយោជន៍ពីការពង្រីកអាកាសយានដ្ឋាន និងការវិនិយោគផលិតកម្ម។
អ្នកជំនាញមើលឃើញថា Clark ជាច្រករបៀងវិនិយោគដែលមានការរីកចម្រើនលឿនបំផុតមួយរបស់ប្រទេស។
៣. ទីក្រុង Cebu
ទីក្រុងធំលំដាប់ទី២របស់ហ្វីលីពីននេះ មានតម្រូវការខ្លាំងពីទេសចរណ៍ ការផ្ទេរការងារអាជីវកម្ម (BPO) និងលក់រាយ ដែលផ្តល់ឱកាសល្អសម្រាប់ការអភិវឌ្ឍចម្រុះ និងអចលនទ្រព្យពាណិជ្ជកម្ម។
៤. ទីក្រុង Iloilo
ទីក្រុងនេះ បាននិងកំពុងទាក់ទាញការវិនិយោគ ដោយធ្វើឲ្យទីផ្សារការិយាល័យ និងលំនៅដ្ឋានដែលកំពុងរីកចម្រើន។
ក្រុមហ៊ុនColliers បានរាយការណ៍ថា តម្រូវការនៅខាងក្រៅទីក្រុងម៉ានីលនៅតែខ្លាំង ដោយទីក្រុងIloilo មានដំណើរការល្អក្នុងការកាន់កាប់ការិយាល័យ។
យោងតាមលោក Joey Roi Bondoc នាយកស្រាវជ្រាវនៅ Colliers Philippinesបានលើកឡើងថា តម្រូវការកំពុងពង្រីកហួសពីទីក្រុងម៉ានីល។
ទីក្រុងក្នុងតំបន់ដូចជា Iloilo, Cebu និង Pampanga កំពុងក្លាយជាកន្លែងទាក់ទាញ ដោយសារតែការវិនិយោគ លើហេដ្ឋារចនាសម្ព័ន្ធ និងវិមជ្ឈការអាជីវកម្ម៕
