ដោយ វុត្ថា
ភ្នំពេញៈ ធនាគារពិភពលោក (World Bank) បានព្យាករណ៍នៅថ្ងៃសុក្រនេះថាសេដ្ឋកិច្ចរបស់ប្រទេសចិននឹងកើនឡើង ប្រមាណ៦,២ភាគរយនៅឆ្នាំ២០១៩ និង៦,១ ភាគរយនៅឆ្នាំ២០២០ ខាងមុខនេះ។
យោងតាមរបាយការណ៍មួយចេញផ្សាយ ដោយធនាគារពិភពលោកកាលពីថ្ងៃទី៣១ ឧសភាបានឱ្យដឹងថា បរិយាកាសខាងក្រៅដែលមិនអំណោយផល ដោយសារការធ្លាក់ចុះនៃកំណើនសេដ្ឋកិច្ចពិភពលោក និងការកើនឡើងនៃភាពតានតឹងពាណិជ្ជកម្មរវាងចិន-អាមេរិក។ ប្រការនេះ បានធ្វើឱ្យសេដ្ឋកិច្ចរបស់ចិន នឹងត្រូវពឹងផ្អែកលើតម្រូវការក្នុងស្រុក ដើម្បីទ្រទ្រង់កំណើនលឿន និងលើកទឹកចិត្តការបង់ពន្ធ។
-->
របាយការណ៍ដដែលបានឱ្យដឹងទៀតថា ភាពតានតឹងនៅក្នុងពាណិជ្ជកម្ម ទំនុកចិត្តពាណិជ្ជកម្មធ្លាក់ចុះ និងកំណើនពាណិជ្ជកម្មសកល មានសភាពយ៉ឺតយ៉ាវត្រូវបានគេរំពឹងថា នឹងធ្វើឱ្យមានការពិចារណាលើការវិនិយោគ និងការនាំចេញនៅឆ្នាំ ២០២០ ដែលជំរុញឱ្យមានកែសម្រួលវិញនៅនីតិវិធីខ្លះ ហើយត្រូវបានគេព្យាករណ៍ថាសេដ្ឋកិច្ចនៅក្នុងនឹងកើនឡើងដល់៦,២ភាគរយ។
លោក Martin Raiser នាយកធនាគារពិភពលោកប្រចាំនៅប្រទេសចិន បាននិយាយថា ដើម្បីឆ្លើយតបទៅនឹងសកម្មភាពបែបនេះ និងលក្ខខណ្ឌខាងក្រៅ ដែលមិនអំណោយផល រដ្ឋាភិបាលបានណែនាំអោយធ្វើសកម្មភាពសារពើពន្ធ ដែលផ្តោតលើការលើកទឹកចិត្តពន្ធដារនៅក្នុងប្រទេស។
លោកបន្តថា ខណៈដែលរដ្ឋាភិបាលមានកន្លែងសារពើពន្ធ ដើម្បីបង្កើនការចំណាយក្នុងករណីចាំបាច់នោះ សកម្មភាពជំរុញសេដ្ឋកិច្ចបន្ថែម គួរតែត្រូវបានផ្តល់មូលនិធិសមស្របណាមួយដោយផ្ទាល់នៅថ្នាក់កណ្តាល ឬតាមរយៈការផ្ទេរសារពើពន្ធបន្ថែមទៅឱ្យថ្នាក់ខេត្ត។ ការចំណាយកាន់តែខ្ពស់លើវិស័យសុខាភិបាល អប់រំ និងកិច្ចគាំពារសង្គមអាចជួយបង្កើន តម្រូវការ និងកែលម្អគុណភាពនៃសេវា ប្រសិនបើបូកបញ្ចូលជាមួយកំណែទម្រង់ដើម្បីបង្កើនប្រសិទ្ធភាព។
របាយការណ៍របស់ World Bank បានបន្តថា នៅឆ្នាំ ២០១៩ ការកាត់បន្ថយពន្ធនិងការបង់ពន្ធថ្មី និងការកើនឡើងខ្ពស់ សម្រាប់ការខ្ចីប្រាក់លើថវិការដ្ឋាភិបាល ក្នុងស្រុកអាចនាំឱ្យមានឱនភាពថវិកាខ្ពស់ប្រហែល ៥,៩ភាគរយនៃផលិតផលក្នុងស្រុកសរុប។
របាយការណ៍នេះក៏បានឱ្យដឹងដែរថា ការនាំចេញសុទ្ធទំនងជាមិនមានការកើនឡើងជាបន្តទៀត នៅក្នុងប៉ុន្មានខែខាងមុខនេះទេ ដោយសារពន្ធនាំចូលថ្មីមានប្រសិទ្ធភាព និងកំណើនសេដ្ឋកិច្ចសកលថយចុះ៕
 បានព្យាករណ៍នៅថ្ងៃសុក្រនេះថាសេដ្ឋកិច្ចរបស់ប្រទេសចិននឹងកើនឡើង ប្រមាណ៦,២ភាគរយនៅឆ្នាំ២០១៩ និង៦,១ ភាគរយនៅ){kind=link}