ដោយ វុត្ថា
ជប៉ុន៖ ជប៉ុនបន្តបង្កើនអំណាចសេដ្ឋកិច្ចខ្លូនទៅកាន់ពិភពលោកដោយបង្កើនការវិនិយោគនៅចិន តំបន់អាស៊ី អាហ្រិក និង មជ្ឈឹមបូពារណ៍ រុស្សី អឺរ៉ុប និងសហរដ្ឋអាមេរិក។
យោងតាមរបាយការណ៍របស់ក្រសួងហិរញ្ញវត្ថុជប៉ុនចេញផ្សាយកាលពីថ្ងៃចន្ទម្សិលមិញនេះថា ការចំណាយដើមទុនលើពាណិជ្ជកម្មរបស់ក្រុមហ៊ុនជប៉ុនបានកើនឡើង ៦,១ ភាគរយនៅត្រីមាសទី១ រាប់ចាប់ពីខែមករាដល់ខែមីនាឆ្នាំ ២០១៩ បើធៀបទៅនឹងរយៈពេលដូចគ្នាកាលពីឆ្នាំមុន។
សម្រាប់ការចំណាយដើមទុននៃវិស័យមិនមែនហរិញ្ញវត្ថុទាំងអស់បានកើនឡើង ៥,៧ភាគរយក្នុងត្រីមាសមុនកើនដល់ ១៥,៦៨ ពាន់ពាន់លានយ៉េនស្មើនឹង ១៤៥ ពាន់លានដុល្លារ ។
បើយោងតាមក្រសួងពាណិជ្ជកម្មចិនបានឲ្យទៀតដឹងថា ការវិនិយោគទុនដោយផ្ទាល់ពីបរទេស (FDI) របស់ជប៉ុននៅក្នុងទីផ្សារប្រទេសចិនមានចំនួន ៣,៦៦ ពាន់លានដុល្លារក្នុងរយៈពេល ១១ ខែដំបូងនៃឆ្នាំ ២០១៨ ត្រូវបានជាប់ចំណាត់ថ្នាក់លេខ ៦ ក្នុងចំណោមការវិនិយោគទុននៅក្រៅប្រទេសបន្ទាប់មកគឺសហរដ្ឋអាមេរិកមានចំនួន ៣,១៧ ពាន់លានដុល្លារ ។
ក្នុងអំឡុងពេលដូចគ្នា FDI នៅក្នុងប្រទេសចិនបានកើនឡើង ១ ភាគរយ ក្នុងសន្ទស្សន៍ប្រចាំឆ្នាំគឺកើនឡើងដល់ ១២១,២៦ ពាន់លានដុល្លារ។របាយការណ៍ឆ្នាំ ២០១២ បានបង្ហាញថា ប្រទេសចិនគឺជាគោលដៅទី ១ក្នុងពិភពលោកនៃការវិនិយោគរបស់ក្រុមហ៊ុនជប៉ុន ដោយមានទឹកប្រាក់ប្រមាណ ៦៥ ពាន់លានដុល្លារសហរដ្ឋ អាមេរិកចាប់តាំងពីឆ្នា ១៩៨០ ដោយក្នុងនោះ បុគ្គលិកដែលជាជនជាតិចិនចំនួនជាង ១លានដុល្លារបានបំរើក្នុងក្រុមហ៊ុនចិន ។
ក្នុងឆ្នាំ ២០០៦ មានក្រុមហ៊ុនជប៉ុនចំនួន ២០.០០០ ភាគច្រើននៅក្នុងទីក្រុងសៀងហៃ ដែលវិនិយោគលើរោងចក្រ លំនៅដ្ឋាន ភោជនីយដ្ឋាន និងសាលារៀន។ការវិនិយោគនៅក្នុងប្រទេសចិនរបស់ក្រុមហ៊ុនជប៉ុនដោយសារតែទីផ្សារទាក់ទាញ និងធំទំលំទូលាយ ព្រមទាំងមានតម្រូវការខ្ពស់ជាងបណ្តាលទេសផ្សេង។ទី ២ ក្រុមហ៊ុនជប៉ុនក៏បានធ្វើការវិយោគនៅក្នុងតំបន់អាស៊ី អាហ្រិក និង មជ្ឈឹមបូពារណ៍ ។
ទី៣ ការវិនិយោគក្នុងប្រទេសរុស្សី និងអឺរ៉ុប និងទី ៤ គឺនៅសហរដ្ឋអាមេរិក។ទិន្នន័យរបស់ក្រសួងក៏បានបង្ហាញពីការកើនឡើងប្រចាំត្រីមាសលើកទី ១០ ដោយផ្អែកលើការចំណាយដ៏រឹងមាំរបស់អាជីវកម្មដើម្បីផលិតគ្រឿងបន្លាស់រថយន្ត និងឧបករណ៍សំណង់ក៏ដូចជាការចំណាយរបស់ក្រុមហ៊ុនទៅលើសារធាតុគីមីដើម្បីផលិតគ្រឿងសំអាង។
ក្រសួងបានឱ្យដឹងបន្តថា ការចំណាយដើមទុនដោយមិនរាប់បញ្ចូលការចំណាយលើផ្នែកទន់បានកើនឡើង ១,១ ភាគរយបើធៀបនឹងត្រីមាសវិញ។ទិន្នន័យរបស់ក្រសួងក៏បានបង្ហាញផងដែរថា ក្រុមហ៊ុនបានប្រកាសប្រាក់ចំណេញមុនបង់ពន្ធមានចំនួន ២២,២៤ ពាន់ពាន់លានយ៉េន ស្មើ ២០៥ ពាន់លានដុល្លារ កើនឡើង ១០,៣ ភាគរយធៀបនឹងឆ្នាំមុននិងធ្លាក់ចុះ ៧,0 ភាគរយនៅត្រីមាសមុន។
ក្រសួងបានឱ្យដឹងទៀតថា សម្រាប់ការលក់ក្នុងត្រីមាសដោយបានកើនឡើង ៣ ភាគរយរហូតដល់ ៣៧២,៥ លានលានយ៉េន ស្មើ ៣,៤៣ ពាន់ពាន់លានដុល្លារ៕
