ដោយ វុត្ថា
ភ្នំពេញៈ កម្ពុជានឹងរៀបចំព្រឹត្តិការណ៍ប្រណាំងស៊ីក្លូទេសចរណ៍ ជាលើកដំបូងរបស់ខ្លួននៅឆ្នាំ២០១៩នេះ ដែលព្រឹត្តិការណ៍នេះនឹងធ្វើឡើងនៅថ្ងៃទី ២៣ ខែមិថុនា ឆ្នាំ ២០១៩ខាងមុខនេះ ក្រោមប្រធានបទ “អភិរក្សស៊ីក្លូដើម្បីទេសចរណ៍”។
ប្រធានសមាគមទីភ្នាក់ងារទេសចរណ៍កម្ពុជាលោកស្រីឆាយ ស៊ីវលីនបានឲ្យដឹងកាលពីពេលថ្មីៗនេះថា ព្រឹត្តិការណ៍នេះ មានការសហការរៀបចំដោយក្រសួងទេសចរណ៍ សមាគមទីភ្នាក់ងារទេសចរណ៍កម្ពុជា និងសមាគមអភិរក្សស៊ីក្លូកម្ពុជា ដែលមានគាំទ្រដោយ សាលារាជធានីភ្នំពេញ និងគណៈកម្មាធិការជាតិអូឡាំពិកម្ពុជាផងដែរ។
លោកស្រីក៏បានអំពាវដល់ពលរដ្ឋខ្មែរគ្រប់រូប ចូលរួមក្នុងព្រឹត្តិការណ៍នេះឱ្យបានច្រើនកុះករ និងមានឪកាសធាក់ស៊ីក្លូសាកល្បងលេងកម្សាន្តផងដែរ៕
