ប្រែសម្រួលដោយ ប៊ី
បាងកក៖ ក្រុមហ៊ុន Airports of Thailand Plc នឹងបើកដំណើរការកម្មវិធីទូរស័ព្ទស្មាតហ្វូននៅថ្ងៃទី ៦ ខែសីហាដើម្បីផ្តល់ជូនអ្នកដំណើរនូវព័ត៌មានអំពីការត្រួតពិនិត្យឥវ៉ាន់ ការបញ្ចុះតម្លៃផលិតផល ហោះហើរ និងសេវាកម្មកក់សណ្ឋាគារ និងតាក់ស៊ី។
លោក Nitinai Sirismathakarn ប្រធានក្រុមហ៊ុន Airports of Thailand Plc បានប្រាប់កាសែតបាងកកប៉ុស្តិ៍កាលពីថ្ងៃចន្ទថា អ្នកប្រើកម្មវិធីឌីជីថល AOT នឹងមានទិន្នន័យពិតប្រាកដនៅលើជើងហោះហើរ និងសេវាកម្មពាក់ព័ន្ធនៅលើទូរស័ព្ទទំនើបរបស់ខ្លួនរួមទាំង ផ្លូវហោះហើរដែលបង្ហាញផ្លូវធ្វើដំណើរដើម្បីចៀសវាងការកកស្ទះចរាចរនៅជិតព្រលានយន្តហោះ។
លោក បាននិយាយថា ការកក់កន្លែងចតរថយន្តអ្នកដំណើរ និងតាក់ស៊ី ក៏ដូចជា ការបញ្ចុះតម្លៃលើម្ហូបអាហារ ភេសជ្ជៈ សេវាកម្ម និងផលិតផលនៅព្រលានយន្តហោះដែលកំពុងមានការចូលរួមដោយបណ្តាប្រទេសដទៃទៀតនឹងអាចរកបានតាមរយៈកម្មវិធីនេះ។
លោក Nitinai បានមានប្រសាសន៍ថា “នៅខាងមុខ អ្នកដំណើរថ្មី និងចាស់នឹងត្រូវបានសម្គាល់យ៉ាងច្បាស់។ អ្នកដំណើរថ្មីនឹងមានទិន្នន័យរបស់ពួកគេទាំងអស់នៅលើទូរស័ព្ទចល័តរបស់ពួកគេ ហើយអ្នកដំណើរចាស់ៗនឹងដើរទៅកាន់អេក្រង់ដើម្បីអានព័ត៌មានជើងហោះហើរ ហើយទៅពិនិត្យរកមើលពីជើងហោះហើររបស់ពួកគេ”។
លោកបាននិយាយថា អាកាសយានដ្ឋានទីក្រុង Munich និងណារីតាកំពុងផ្តល់ទិន្នន័យសម្រាប់កម្មវិធី AoT ហើយអាកាសយានដ្ឋាននៅអឺរ៉ុបចំនួន ៥ នឹងអនុវត្តតាមពេលអនាគត។លោក បាននិយាយថា ស្ថាប័នហិរញ្ញវត្ថុធំៗចំនួនប្រាំបានចូលរួមក្នុងកម្មវិធី (App) នេះ រួមមាន ធនាគារបាងកក ធនាគារ Kasikornbank និងធនាគារ Krungthai៕
