ដោយ វុត្ថា
សៀមរាបៈ មន្ត្រីអាជ្ញាធរជាតិអប្សរាបានឲ្យដឹងថា ដើម្បីចូលរួមលើកកម្ពស់របៀបរៀបរយ សោភ័ណភាព បរិស្ថាន ទេសភាពបៃតងក្នុងរមណីយដ្ឋានអង្គរ ឱ្យស័ក្ដិសមជាតំបន់បេតិកភណ្ឌពិភពលោក ព្រមទាំងទាក់ទាញភ្ញៀវទេសចរឲ្យកាន់តែច្រើន។
អតីតចំណតរថយន្តបណ្ដោះអាសន្នមុខប្រាសាទអង្គរវត្តនឹងកែប្រែជាកន្លែងដាំស្មៅ និងកូនឈើឡើងវិញ
អាជ្ញាធរជាតិអប្សរា បានឱ្យដឹងនៅថ្ងៃទី១៥ ខែសីហានេះថា អាជ្ញាធរបាននឹងកំពុងកែប្រែទីតាំងអតីតចំណតបណ្ដោះអាសន្ន នៅបរិវេណមុខប្រាសាទអង្គរវត្តឱ្យក្លាយជាវាលស្មៅបៃតង និងដាំកូនឈើឡើងវិញជុំវិញបរិវេណនេះ ខណៈបច្ចុប្បន្ន ការងារនេះបានដំណើរការជាបន្តបន្ទាប់ ក្នុងនោះអាជ្ញាធរជាតិអប្សរាកំពុងធ្វើការកាយប្រភេទដីរឹង មានក្រួសចេញពីទីតាំងខាងលើ ដោយជំនួសមកវិញនូវប្រភេទដីជីជាតិអាចដាំដុះបាន។
មន្ត្រីអាជ្ញាធរជាតិអប្សរា បានឲ្យដឹងបន្ថែមថា ការរៀបចំនេះជាផ្នែកមួយ នៃផែនការរួមក្នុងការរៀបចំរបៀបរៀបរយ សណ្ដាប់ធ្នាប់នៅមុនប្រាសាទអង្គរវត្ត ដោយក្នុងនោះមានការដាំស្មៅ ដាំដើមឈើឡើងវិញ និងរៀបចំជាចំណតឱ្យបានត្រឹមត្រូវស្របទៅតាមលំហូរនៃយានយន្តនិងការចរាចរណ៍របស់ភ្ញៀវទេសចរនៅប្រាសាទអង្គរវត្ត៕
អានបន្ត៖ អាជ្ញាធរអប្សរាបញ្ឈប់លែងឱ្យមានការក្រាលកន្ទេល និងចងអង្រឹងលើបរិវេណអង្គរ
