ដោយគង់ សូរិយា
ត្បូងឃ្មុំៈ ឧបនាយករដ្ឋមន្ត្រីជា សុផារ៉ារដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់បានចុះធ្វើសកម្មភាពសង្គមចំនួន៥ ក្នុងថ្ងៃតែមួយនៅខេត្តត្បូងឃ្មុំ ជាខេត្តដែលកូនពៅគេនៅកម្ពុជា។
ឧបនាយករដ្ឋមន្ត្រីជា សុផារ៉ា រដ្ឋមន្ត្រីក្រសួងដែនដីចុះធ្វើសកម្មភាពសង្គមចំនួន៥ ជាមួយនឹងការលើកកំពស់បរិស្ថានបៃតង
សកម្មភាពសំខាន់ៗ ដែលលោកឧបនាយករដ្ឋមន្ត្រីបានអញ្ជើញជាអធិបតីកាលពីថ្ងៃទី១៥ សីហាកន្លងមក រួមមាន ទី១ លោកជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ អញ្ជើញចុះជួបសំណេះសំណាលជាមួយលោកគ្រូ អ្នកគ្រូ និងសិស្សានុសិស្ស និងពិនិត្យមើលការដ្ឋានសាងសង់អគារសិក្សា វិទ្យាល័យ ហ៊ុន សែន កំពង់ ទ្រាស ស្ថិតនៅ នៅឃុំកំពង់ទ្រាស ស្រុកក្រូចឆ្មារ ខេត្តត្បូងឃ្មុំ។
ទី២ លោកឧបនាយករដ្ឋមន្ត្រី អញ្ជើញពិនិត្យមើលការដ្ឋានសាងសង់អគារសាលាបឋមសិក្សាហ៊ុន សែនពាមជីលាំង ស្ថិតនៅ នៅឃុំពាមជីលាំង ស្រុកត្បូងឃ្មុំ ខេត្តត្បូងឃ្មុំ ក្នុងឱកាសនោះដែរ។
ទី៣ លោកជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ អញ្ជើញចុះជួបសំណេះសំណាលជាមួយលោកគ្រូ អ្នកគ្រូ និងសិស្សានុសិស្ស ដែលនឹងត្រូវប្រឡងសញ្ញាបត្រមធ្យមសិក្សាទុតិយភូមិ នាថ្ងៃទី១៩ សីហាខាងមុខនេះ និងពិនិត្យមើលការដ្ឋានសាងសង់អគារសិក្សា វិទ្យាល័យ ហ៊ុន សែន ពាមជីលាំង ស្ថិតនៅ នៅឃុំពាមជីលាំង ស្រុកត្បូងឃ្មុំ ខេត្តត្បូងឃ្មុំ។
ទី៤ លោកជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ អញ្ជើញចុះពិនិត្យមើលការដ្ឋានសាងសង់មន្ទីរពេទ្យបង្អែក ខេត្ត ត្បូងឃ្មុំ និងពិនិត្យមើលការសាងសង់សាលាអនុវិទ្យាល័យ និងវិទ្យាល័យ ហ៊ុន សែន ត្បូងឃ្មុំ ក្នុងឱកាសនោះដែរ។
ទី៥ លោកឧបនាយករដ្ឋមន្ត្រីជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ អញ្ជើញជាអធិបតីក្នុងពិធីប្រកាសក្រុមការងារថ្នាក់ជាតិចុះមូលដ្ឋាន ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា នៅខេត្តត្បូងឃ្មុំ ។
គ្រប់កម្មវិធីខាងលើលោកឧបនាយករដ្ឋមន្ត្រី បានចូលរួមដាំកូនឈើក្រញូង និងនាងនួន និងកូនឈើធ្នង់ ដើម្បីការពារនិងលើកកំពស់បរិស្ថាន ក៏ដូចជាបង្កើនសោភ័ណភាពនៅតាមទីតាំងនិមួយៗផងដែរ៕
អានបន្ត៖ ឧបនាយករដ្ឋមន្ត្រី ជា សុផារ៉ា ដាក់ផែនការដើម្បីបញ្ចប់គ្រោះទឹកជំនន់នៅខេត្តព្រះសីហនុ
