ដោយ វុត្ថា
ភ្នំពេញៈ រដ្ឋាភិបាលគ្រោងចំណាយថវិការហូតដល់១៨៤៣លានដុល្លារ ដើម្បីកសាងបណ្តាញរថភ្លើងលើអាកាស ដែកតភ្ជាប់ពីតំបន់ផ្សារធំថ្មី ទៅកាន់រង្វង់មូលចោមចៅ ជាយរាជធានីភ្នំពេញ ដែលគ្រោងចាប់ផ្តើមសាងសង់នាឆ្នាំ ២០២០ខាងមុខ។
អ្នកនាំពាកម្យក្ថរសួងសាធារណៈការ និងដឹកជញ្ជូន លោក វ៉ា ស៊ីមសូរិយា អ្នកនាំពាក្យក្រសួងសាធារណៈការ និងដឹកជញ្ជូនបានឱ្យដឹងថា ការសិក្សាគម្រោងអភិវឌ្ឍន៍ផ្លូវដែកក្នុងរាជធានីភ្នំពេញនេះ ត្រូវបានប្រគល់ជូនទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន (JICA) ហើយបានស្ថាប័នជ្រើសរើសក្រុមហ៊ុន Nippon Koei សម្រាប់សិក្សាគម្រោងចាប់តាំងពីខែកញ្ញាឆ្នាំ ២០១៧ កន្លងមកនេះ។
-->
លោកបានពន្យល់ថា គម្រោងអភិវឌ្ឍន៍ផ្លូវដែកក្នុងរាជធានីភ្នំពេញ (AGT) ចាប់ពីចំណុចផ្សារធំថ្មី ទៅដល់រង្វង់មួលចោមចៅនិងបំបែកទៅកាន់ចំណតសំរោង(តាមបណ្តោយមហាវិថីហ្សាលដឺហ្គោល មហាវិថីមុនីរ៉េត ផ្លូវវ៉េងស្រេង មហាវិថីសហព័ន្ធរុស្សី និងផ្លូវជាតិលេខ៤ ឆ្ពោះទៅកាន់ចំណតសំរោង) មានប្រវែង១៩គីឡូម៉ែត្រ ( ១៥ គីឡូម៉ែត្រនៅលើអាកាស និង៤គីឡូម៉ែត្រនៅក្រោយដី) និងមាន២០ស្ថានីយ៍ (១៨ ស្ថានីយ៍ នៅលើអាកាស និង ២ ស្ថានីយ៍នៅក្រោងដី)។
លោកបន្ថែមទៀតថា គម្រោងនេះត្រូវបានសិក្សាបញ្ចប់ និងបានរៀបចំកិច្ចប្រជុំជាមួយសមាជិកគណៈកម្មការសម្របសម្រួល ដែលមានសមាសភាពពីក្រសួងសាធារណៈការ និងដឹកជញ្ជូន និងដឹកជញ្ជូន ក្រសួងសេដ្ឋកិច្ច និងហិរញ្ញវត្ថុ ក្រសួងរៀបចំដែនដី នគរូបនីយកម្ម និងសំណង់ ក្រសួងបរិស្ថាន និងរដ្ឋរាជធានីភ្នំចំនួន៥ ចាប់ពីឆ្នាំ២០១៧ រហូតដល់ឆ្នាំ ២០១៩ កន្លងមកនេះ។
ជាមួយគ្នានេះ ក៏បានរបាយការណ៍ហេតុប៉ះពាល់បរិស្ថានទៅក្រសួងបិរស្ថាន កាលពីថ្ង ៨ ខែកុម្ភៈ ឆ្នាំ ២០១៩ កន្លងមកនេះ និងរបាយការណ៍ផែនការដោះស្រាយប៉ះពាល់ទៅអគ្គនាយកដ្ឋាន ដោះស្រាយផលប៉ះពាល់ និងរងចាំការឯកភាព។
លោកវ៉ាស៊ីម សូរិយាបានបញ្ជាក់ថា បើតាមផែនការគម្រោងអភិវឌ្ឍន៍ផ្លូវដែកនេះ នឹងចាប់ផ្តើមសាងសង់នៅឆ្នាំ២០២០ខាងមុខនេះ ដើម្បីឆ្លើយតបទៅនឹងកំណើនចរាចរណ៍ និងឱ្យទាន់អាស៊ីហ្គែម ២០២៣ ដែលកម្ពុជាធ្វើជាម្ចាស់ផ្ទះរៀបចំនាពេលខាងមុខ តែអ្វីដែលលំបាក គឺស្វែងរកថវិកាក្នុងការសាងសង់លើគម្រោងនេះ៕
