ដោយ វុត្ថា
ឌូបៃៈ តម្លៃអចលនទ្រព្យនៅក្នុងទីក្រុងឌូបៃ បានធ្លាក់ចុះប្រមាណ១៥,៣%ពីឆ្នាំទៅមួយឆ្នាំ ដោយគិតត្រឹមខែមិថុនានៃឆ្នាំនេះ ពោលគឺទាបបំផុតចាប់តាំងពីវិបត្តិសេដ្ឋកិច្ចឆ្នាំ ២០០៨។
យោងតាមរបាយការណ៍ ក្រុមហ៊ុនប្រឹក្សាអចលនទ្រព្យ Cavendish Maxwell ដែលមានមូលដ្ឋាននៅប្រទេសអារ៉ាប់រួម (UAE) បង្ហាញកាលពីថ្ងៃទី២ម្សិលមិញនេះថា តម្លៃផ្ទះវីឡាឌូបៃ (ផ្ទះដាច់តែឯង) ជាមធ្យមមានតម្លៃ៤៦០.០០០ដុល្លារ ក្នុងខែកក្កដាធ្លាក់ចុះពីចំនួន ៨០០.០០០ដុល្លារ ក្នុងឆ្នាំ២០១៤ នៅពេលដែលទីក្រុងឌូបៃត្រូវបានប្រកាសរៀបចំពិព័រណ៍ពិព័រណ៍ពិភពលោកឆ្នាំ២០២០ខាងមុខ។
ទីក្រុងឌូបៃគឺជាទីក្រុងមួយនៅក្នុងប្រទេសអារ៉ាប់រួម ដែលត្រូវបានគេស្គាល់ជាកន្លែងដើរទិញឥវ៉ាន់ប្រណីត មានស្ថាបត្យកម្មដ៏អស្ចារ្យ និងទេសភាពរាត្រីដ៏រស់រវើក និងមានអគារ Burj Khalifa ដែលមានកំពស់៨២៨ម៉ែត្រ ជាអគារខ្ពស់បំផុតនៅក្នុងពិភពលោក។
