ដោយ វុត្ថា
ភ្នំពេញៈ យោងតាមច្បាប់ស្តីពី ការផ្តល់សិទ្ឋលើចំណែឯកជននៃអាគារសហកម្មសិទ្ឋដល់ជនបរទេស ដែលសភាបានអនុម័តកាលឆ្នាំ២០១០ បានផ្តល់ឲ្យអ្នកវិនិយោគបរទេសអាចមានសិទ្ធិ លើអចលនទ្រព្យចាប់ពីជាន់ទី១ឡើងទៅ។
តែទោះជាច្បាប់កម្ពុជា បានដាក់កម្រិតមិនឲ្យជនបរទេស ទទួលបានសិទិ្ធកម្មសិទកធិលើដីធ្លីក័ដោយ មិនមែនជាឧបសគ្គដល់ការវិនិយោគិនបរទេសដែរ ព្រោះសកម្មភាពសេដ្ឋកិច្ចមិនចាប់បង្ខំថា ទាល់តែមានសិទ្ធិកម្មសិទ្ធិលើដីធ្លី ទើបអាចធ្វើការវិនិយោគបាននោះទេ។
ម៉្យាងទៀតច្បាប់កម្ពុជា បានអនុញ្ញាត្តិឲ្យវិនិយោគិនបរទេសវិនិយោគតាមមធ្យោបាយ ឬយន្តការជាច្រើន ពិសេសទាក់ទងនឹហអចលនវត្ថុ ដូចជា៖ ការជួលអចលនវត្ថុ មានរយៈពេលវែងឬខ្លី។ សម្បទានដីសេដ្ឋកិច្ច ឬសម្បទានសម្រាប់ការប្រើប្រាស់ ការរៀបចំ និងការធ្វើអាជីវកម្ម និងសម្ព័ន្ធអាជីវកម្មជាមួយពលរដ្ឋខ្មែរ (កិច្ចសន្យា ឬ បង្កើតក្រុមហ៊ុន)។
ច្បាប់កម្ពុជាមិនអនុញ្ញាត្តិឲ្យជនបរទេស មានសិទ្ធិកម្មសិទ្ធិលើដីធ្លីនៅកម្ពុជាទេ ប៉ុន្តែដើម្បីទទួលការអនុញ្ញាត្តិជនបរទេសចូលរួមវិនិយោគបាន លុះត្រាតែវិនិយោគិនបរទេសចូលរួមជាមួយវិនិយោគិនខ្មែរ ដើម្បីបង្កើតជាក្រុមហ៊ុនមានសញ្ជាតិខ្មែរ (៥១%ខ្មែរ បូក ៤៩%បរទេស)ដែលមានសិទ្ធិកាន់កាប់លើដីកម្ពុជា៕
