ដោយ Donald Lee
ភ្នំពេញៈ លោក Jack Ma សហស្ថាបនិក និងជាមេធំក្រុមហ៊ុនលក់ទំនិញយក្សរបស់ចិន Alibaba ដែលមានតម្លៃគិតជាទឹកប្រាក់ ៤៦០ពាន់លានដុល្លារ នឹងចូលនិវត្តន៍នៅថ្ងៃនេះក្នុងថ្ងៃកំណើតគម្រប់អាយុ៥៥ឆ្នាំរបស់លោក។
លោក Jack Ma ចូលនិវត្តន៍ហើយនៅថ្ងៃនេះ ជាមួយទ្រព្យសម្បត្តិ ៣៨,៤ពាន់លានដុល្លារ
បរុសមាឌតូចកម្ពស់១,៦១សង់ទីម៉ែត្រ ប៉ុន្តែមានបុគ្គលិកលក្ខណៈអស្ចារ្យ និងមានប្រាក់ក្នុងហោប៉ៅ៣៨,៤ពាន់លានដុល្លារ បានប្រកាសពីផែនការចូលនិវត្តន៍របស់លោកកាលពីឆ្នាំមុន។
ក្រុមអ្នកវិភាគបានដឹងឲ្យថា វាជាការចង់ដឹង ចង់ឃើញមួយដែលថា លោក Jack Ma នឹងលាឈប់ពីក្រុមហ៊ុន Alibaba ក្នុងគ្រាលំបាកនៅពេលក្រុមហ៊ុនរបស់លោកបានជួបការលំបាក ហើយនៅពេលដែលលោកឧស្សាហ៍ព្យាយាមឲ្យនិយោជិក ដែលប្រកាន់ខ្ជាប់នូវច្បាប់៩៩៦ ដែលទាមទារធ្វើការចាប់ពីម៉ោង៩ ព្រឹកដល់៩យប់ និង៦ថ្ងៃក្នុងមួយសប្តាហ៍។
លោក Jack Ma កាលពីខែមេសា បាននិយាយថា “ប្រសិនបើយើងរកវត្ថុដែលយើងចូលចិត្ត ច្បាប់៩៩៦មិនមែនជាបញ្ហាទេ។ ប្រសិនបើអ្នកមិនចូលចិត្ត ការងាររបស់អ្នករាល់នាទីគឺធ្វើទារុណកម្ម”។
លោកបានបន្ថែមថា “ខ្ញុំគិតថា៩៩៦គឺជាពរដ៏ធំមួយ ។ តើអ្នកទទួលបានជោគជ័យដែលអ្នកចង់បាន ដោយមិនចាំបាច់ចំណាយពេលវេលា និងពេលវេលាបន្ថែមទៀតយ៉ាងដូចម្តេច?”។
ថ្មីៗនេះ ក្រុមហ៊ុន Alibaba បានជួបប្រទះនូវឧបសគ្គជាច្រើន។ អាមេរិកបានថ្កោលទោសទីផ្សារ Taobao របស់ក្រុមនេះថា ជាឃ្លាំងផ្ទុកផលិតផលក្លែងក្លាយ និងទំនិញផ្សេងទៀតដោយលួចកម្មសិទ្ធិបញ្ញារបស់អាមេរិក ដែលជាបញ្ហាចម្រូងចម្រាស និងជាចំណុចស្នូលនៃសង្គ្រាមពាណិជ្ជកម្មរវាងអាមេរិក និងចិន។
ក្រុមហ៊ុននេះ ក៏បានរងភាពបរាជ័យ ក្នុងការទទួលបានសេវាកម្មហិរញ្ញវត្ថុក្រុមហ៊ុន MoneyGram ដោយបន្តភាពលំបាករបស់ខ្លួនក្នុងការពង្រីកខ្លួននៅក្រៅទ្វីបអាស៊ី៕
