ដោយ ម៉ាណេត
តៃវ៉ាន់៖ ស្របមានការធ្លាក់ចុះចំនួនភ្ញៀវទេសចរមកពីប្រទេសចិន និងគោលនយោបាយនិរតីនៃរដ្ឋាភិបាល ទីក្រុង Hualien របស់តៃវ៉ាន់នឹងបង្កើតឱ្យមានជើងហោះហើរថ្មីដែលនឹងទៅកាន់គោលដៅចំនួនពីរនៃប្រទេសកម្ពុជានាខែក្រោយនេះ។ នេះបើយោងរបាយការណ៍ចេញផ្សាយកាលពីថ្ងៃ ព្រហស្បតិ៍ ទី ១៩ កញ្ញា។
ចិនបានហាមឃាត់ភ្ញៀវទេសចរខ្លួនមិនឱ្យមកលេងកោះតៃវ៉ាន់ដោយចាប់ផ្តើមពីថ្ងៃទី ១ ខែ សីហាដូច្នេះ កោះនេះបាននិងកំពុងអនុវត្តគោលនយោបាយទាក់ទាញភ្ញៀវទេសចរមកពីអាស៊ីខាងត្បូង និងអាស៊ីអាគ្នេយ៍ដើម្បីឆ្លើយតបនឹងបញ្ហានេះ។
-->
ជាតំបន់មួយក្នុងចំណោមកោះដែលមានទេសភាពស្រស់ស្អាតជាងគេបំផុតនៅកោះតៃវ៉ាន់ ទីក្រុង Hualien នឹងមិនត្រឹមតែភ្ជាប់បណ្តាញផ្លូវអាកាសថ្មីជាមួយកូរ៉េខាងត្បូងនៅខែក្រោយប៉ុណ្ណោះទេ ថែមទាំងមានទិសដៅពីរទៀតនៅកម្ពុជាគឺរាជធានីភ្នំពេញ និងសៀមរាប។ នេះបើយោងតាមសារព័ត៌មាន Liberty Times។
ការហោះហើរដែលរៀបចំឡើងដោយក្រុមហ៊ុនអាកាសចរណ៍ Sky Angkor Airlines នៅថ្ងៃទី ២៦ ខែ តុលានិងថ្ងៃទី ៨ ខែវិច្ឆិកានឹងនាំប្រជាជនកម្ពុជាប្រមាណ ៣០០ នាក់ទៅកាន់ទីក្រុង Hualien និងទីក្រុង Taitung។
អ្នកទេសចរអាស៊ីអាគ្នេយ៍ក៏នឹងចូលរួមក្នុងការរៀបចំដំណើរកម្សាន្តទៅកាន់តៃប៉ិ រីឯភ្ញៀវទេសចរតៃវ៉ាន់ នឹងទៅទស្សនាប្រាសាទបុរាណ និងមានឱកាសលេងវាយហ្គោល៕
