ដោយ Donald Lee
ភ្នំពេញ៖ ផ្លូវហោះហើរថ្មីពីភ្នំពេញទៅដាណាងនៅកណ្តាលប្រទេសវៀតណាមនឹងចាប់ផ្តើមនៅថ្ងៃទី ២៧ ខែតុលានេះ។
ក្រុមហ៊ុនអាកាសចរណ៍ខេមបូឌាអង្គរអ៊ែរនឹងក្លាយជាក្រុមហ៊ុនអាកាសចរណ៍សម្រាប់ផ្លូវហោះហើរនេះ។ ចំណែក សំបុត្រមួយផ្លូវត្រូវបានលក់ក្នុងតម្លៃ ៨៤ ដុល្លារដោយមិនរាប់បញ្ចូលពន្ធ ឬថ្លៃផ្សេងៗ។ នេះបើយោងតាម គេហទំព័រខេមបូឌាអង្គរអ៊ែរកាលពីថ្ងៃ ពុធ។
ជើងហោះហើរត្រង់នឹងតភ្ជាប់អ្នកដំណើរទៅកាន់ទីក្រុងបេតិកភណ្ឌពិភពលោកយូណេស្កូដែលមានឈ្មោះថា Hue និង Hoi An នៅតំបន់កណ្តាលនៅវៀតណាម។
សម្ដេចតេជោ ហ៊ុន សែនបាននិងកំពុងធ្វើការយ៉ាងសកម្មជាមួយអាជ្ញាធរវៀតណាមក្នុងការលើកកម្ពស់វិស័យទេសចរណ៍ឆ្លងកាត់ព្រំដែនរវាងសម្ព័ន្ធមិត្តទាំងពីរ។
សម្ដេចតេជោ មានប្រសាសន៍ថា ចំពោះវិស័យទេសចរណ៍វិញ វៀតណាមឈរនៅលំដាប់លេខរៀងទី២នៅឆ្នាំ២០១៧ និង២០១៨។ ក្នុងរយៈពេល៧ខែ នៃឆ្នាំ២០១៩នេះ ចំនួនភ្ញៀវទេសចរវៀតណាមមកកម្ពុជា មានចំនួនប្រមាណជាង៤៧ម៉ឺននាក់ ដែលតួលេខនេះមានការកើនឡើងប្រមាណជា៤,៦% បើប្រៀបធៀបរយៈពេលដូចគ្នាក្នុងឆ្នាំ២០១៨កន្លងទៅ។
សម្តេចតេជោ បានថ្លែងថា “ចំនួនភ្ញៀវទេសចរប្រទេសទាំងពីរ រំពឹងថានឹងមានកំណើនបន្ថែមទៀតតាមរយៈការពន្លឿនសកម្មភាពផ្សព្វផ្សាយ និងការបង្កើនការតភ្ជាប់ក្នុងចំណោមគោលដៅនិងផលិតផលទេសចរណ៍ ជាក់ស្ដែងជើងហោះហើរត្រង់ ភ្នំពេញ-ដាណាំង និងចាប់ផ្ដើមដំណើរការនាពេលឆាប់ៗខាងមុខនេះបន្ថែមលើជើងហោះហើរកម្ពុជាវៀតណាមដែលមានស្រាប់ចំនួន១១២ជើងក្នុងមួយសប្តាហ៍”។
លោកថោង ខុន រដ្ឋមន្រ្តីក្រសួងទេសចរណ៍បានធ្វើផែនការសាធារណៈដើម្បីទាក់ទាញជនជាតិវៀតណាមយ៉ាងហោចណាស់មួយលាននាក់ជារៀងរាល់ឆ្នាំមកកម្ពុជា៕
