ដោយ វុត្ថា
ភ្នំពេញៈ រាល់នាំការចូលនូវគ្រប់ទំនិញទាំងអស់ សុទ្ធតែត្រូវបានគិត និងកាត់ទុកពន្ធនៃការនាំចូលទាំងអស់ ប៉ុន្តែលើកលែងតែចំពោះទំនិញតម្លៃទាប ដែលត្រូវបានច្បាប់អនុញ្ញាតមិនគិតពន្ធក្នុងការនាំចូលនោះទេ ។ តើអ្វីទៅជាទំនិញតម្លៃទាប?។
យោងតាមឯកសាររបស់អគ្គនាយដ្ឋានគយ និងរដ្ឋករកម្ពុជាបានឱ្យដឹងថា ទំនិញដែលត្រូវបានចាត់ទុកថា ជាប្រភេទតម្លៃទាប (De Minimis) គឺសំដៅទៅលើប្រភេទទំនិញនាំចេញ នាំចូលទាំងឡាយណា ក្នុងទម្រង់ជាកញ្ចប់បញ្ញើរហ័ស ទំនិញនាំចូលគ្មានលក្ខណៈ ពាណិជ្ជកម្មនិង/ឬ ទម្រង់ប្រហាក់ប្រហែល មានតម្លៃ FOB សមមូល៥០ដុល្លារអាមេរិក ចុះទំនិញតម្លៃទាប(De Minimis) ត្រូវបានលើកលែងពន្ធនិងអាករគយនានាម្ចាស់ទំនិញ ឬតំណាងស្របច្បាប់ត្រូវធ្វើការ ប្រកាសតាមទម្រង់ប្រតិវេទន៍គយសង្ខេប អមដោយឯកសារទ្រទ្រង់នានា។
ដូចជាវិក្កយបត្រ បញ្ចីវេចខ្ចប់ វិញ្ញាបនបត្រចុះបញ្ជីអាករលើតម្លៃបន្ថែម អញ្ញត្តិប័ណ្ណ និងឯកសារពាក់ព័ន្ធផ្សេងទៀត ប្រសិនបើមានមុខទំនិញមួយចំនួន ដែលមិនត្រូវបានអនុញ្ញាតជាបណ្តោះអាសន្នឲ្យស្ថិតក្រោម នីតិវិធិគយលើទំនិញតម្លៃទាប រួមមាន បណ្តាទំនិញដែលស្ថិតក្នុងបញ្ជីទំនិញហាមឃាត់ និងទំនិញជាប់កម្រិតកំណត់ តាមបញ្ញត្តិនៃអនុក្រឹត្យលេខ ២០៩ អនក្រ.បក ចុះថ្ងៃទី៣១ ខែធ្នូ ឆ្នាំ២០០៧ ដែលជាប់ប្រព្រឹត្តកម្មហាមឃាត់ដាច់ខាតនិងទំនិញដែលមាន វេទយិតភាពខ្ពស់ និងអាចប៉ះពាល់ដល់សន្តិសុខសុវត្ថិភាពសាធារណៈដូចជា គ្រឿងសាស្រ្តាវុធ ជាតិផ្ទុះ សម្ភារបរិក្ខារយោធា គ្រឿងញៀន សារជាតិផ្សំគ្រឿងញៀន និង សារធាតុប្រកបដោយគ្រោះថ្នាក់ផ្សេងទៀត៕
