ដោយ ប៊ី
ភ្នំពេញៈ ក្រុមហ៊ុន Angkor Resources Corp បានប្រកាសកាលពីពេលថ្មីៗនេះថា ខ្លួនបានទទួលរបាយការណ៍មួយ ដែលបញ្ជាក់ពីដំណក់ប្រេងនៅខាងក្នុង និងជុំវិញប្លុកប្រេងទី ៨ (Block VIII) និងអាជ្ញាប័ណ្ណប្រេង និងហ្គាសថ្មីរបស់ក្រុមហ៊ុនអង្គរ។
លោក Stephen Burega នាយកប្រតិបត្តិក្រុមហ៊ុន Angkor បានមានប្រសាសន៍ថា “យើងមានសេចក្តីសោមនស្សរីករាយ ដែលបានរកឃើញទីតាំង និងការធ្វើតេស្តសាកល្បងលើអាជ្ញាប័ណ្ណប្រេងនិងឧស្ម័នថ្មីរបស់យើង”។
លោកបានបន្តថា “លទ្ធផលតេស្តពីក្រុមហ៊ុន Schlumberger លើដំណក់ប្រេងបញ្ជាក់ពីវត្តមានអ៊ីដ្រូកាបូន។ ជាមួយនឹងចំនួនដ៏ច្រើននៃការងារ និងទិន្នន័យត្រូវបានចងក្រងនៅលើប្លុក ដែលមានទំហំ ៧៨០០គីឡូម៉ែត្រការ៉េទី៨ របស់ក្រុមហ៊ុនអង្គរ (Block VIII) យើងមានគោលដៅជាច្រើន”។ លោកបន្តថា “នេះអនុញ្ញាតឱ្យយើងពន្លឿនការរុករកដំបូងរបស់យើង និងអនុញ្ញាតឱ្យយើងផ្តោតលើតំបន់ ដែលត្រូវបានកំណត់រួចហើយ”។
របាយការណ៍ដែលនិពន្ធ ដោយលោក John C. Menzies និងក្រុមហ៊ុន Cmi Capital Limited (“Cmi”) បានកំណត់អត្តសញ្ញាណ និងឯកសារឃើញប្រេងនិងផ្ទៃកើតឡើងចំនួន២១ដាច់ដោយឡែកពីគ្នា។ ពីរសំណាកប្រេងទាំងនេះ ត្រូវបានយកគំរូតាមប ច្ចេកទេសស្តង់ដារឧស្សាហកម្ម ហើយសំណាក់ត្រូវបានបញ្ជូនទៅក្រុមហ៊ុន Schlumberger Limited នៃប្រទេសឌូបៃសម្រាប់ការវិភាគ និងការបកស្រាយ។
លទ្ធផលពីក្រុមហ៊ុន Schlumberger បានបង្ហាញ ថាសំណាកមានផ្ទុកអ៊ីដ្រូកាបូននៃប្រភពដើម thermogenic (ឧទាហរណ៍អ៊ីដ្រូកាបូនរាវ ដែលបង្កើតនៅជម្រៅពីថ្មប្រភពចាស់ដែលបានផ្លាស់ទីទៅផ្ទៃខាងលើ)។
ការស្រាវជ្រាវឯករាជ្យរបស់ក្រុមហ៊ុនអង្គរ ដែលធ្វើឡើងដោយលោក Lorne Rosenthal (បណ្ឌិត) បង្ហាញថាប្លុកទី៨ គឺជាកន្លែងសម្រាប់អាងទន្លេដីគោកដែលទើបនឹងត្រូវបានគេស្គាល់ និងមិនទាន់បានរកឃើញថ្មី ដែលទាក់ទងទៅនឹងដងខ្លួននៃភ្នំបូកគោដែលអាចមានសក្តានុពលច្រើន៕
