ដោយ Donald Lee
ភ្នំពេញៈ ខណៈកម្ពុជាបន្តគ្របដណ្តប់លើការនាំចេញកង់ ទៅកាន់សហគមន៍អ៊ឺរ៉ុបនៅឆ្នាំនេះ ក្រុមឧស្សាហកម្មធំៗនៅកម្ពុជាបាននិយាយថា ខ្លួននឹងផ្លាស់ប្តូរទីលំនៅទៅកាន់ប្រទេសជិតខាង ដូចជា ប្រទេសវៀតណាមប្រសិនបើប្រព័ន្ធអនុគ្រោះពន្ធ EBA របស់សហភាពអឺរ៉ុបត្រូវបានដកចេញ។
ឧស្សាហកម្មកង់កម្ពុជា កំពុងជួបប្រទះឆ្នាំមាសមួយផ្សេងទៀត ក្នុងឆ្នាំ២០១៩។ នៅក្នុងឆមាសទី១ នៃឆ្នាំនេះវិស័យនេះបានផលិត និងនាំចេញកង់ចំនួន៨៣៥,០០០ ទៅសហភាពអឺរ៉ុប។
ឧស្សាហកម្មកង់របស់ប្រទេសនេះ បានវ៉ាដាច់គូប្រជែងជិតបំផុតរបស់ខ្លួនតៃវ៉ាន់ទៅពីរដង ដែលផលិតបានកង់ចំនួន
៥៤៦,០០០កង់ នៅឆមាសទីមួយនៃឆ្នាំ២០១៩។
ទោះជាយ៉ាងណាការប្រកួតប្រជែង និងការបាត់បង់ EBA របស់កម្ពុជាកំពុងគំរាមកំហែងដល់ការធ្លាក់ចុះរបស់កម្ពុជា ក្នុងនាមជាកន្លែងផលិតកង់កំពូលរបស់សហភាពអឺរ៉ុប។
សម្ព័ន្ធភាពជិះកង់កម្ពុជា (CBC) បានចេញសេចក្តីថ្លែងការណ៍មួយនៅខែនេះ ដោ យបញ្ជាក់ថា ក្រុមហ៊ុនផលិតកម្មជាសមាជិករបស់ខ្លួន នឹងផ្លាស់ទៅប្រទេសវៀតណាម ប្រសិនបើ EBA ត្រូវបានដកចេញនៅឆ្នាំក្រោយ។
លោក Jon Edwards ប្រធាន CBC នៅក្នុងសេចក្តីថ្លែងការណ៍មួយ “វាជារឿងគួរ ឱ្យសោកស្តាយ សម្រាប់កម្លាំងការងាររបស់យើង និងការបំផ្លិចបំផ្លាញសម្រាប់សហគមន៍ដែលយើងធ្វើប្រតិបត្តិការនៅកម្ពុជា ប្រសិនបើយើងត្រូវបានបង្ខំឱ្យផ្លាស់ទីតាំងទៅប្រទេ សផ្សេងទៀត ដែលនឹងនៅតែមានសិទ្ធិចូល ទៅកាន់សហភាពអឺរ៉ុប ដោយឥតគិតថ្លៃដូចជា បង់ក្លាដេស មីយ៉ាន់ម៉ា និងវៀតណាមជាដើម”។
លោកបានបន្ថែមថា “យើងសង្ឃឹមថា គណៈកម្មការនឹងមិនចាត់វិធានការណាមួយដែលធ្វើឱ្យប្រតិបត្តិការបន្តរបស់យើង នៅកម្ពុជាគ្មាននិរន្តរភាពឡើយ”។
សហភាពអឺរ៉ុប និងវៀតណាម បានចុះហត្ថលេខាលើកិច្ចព្រមព្រៀងពាណិជ្ជកម្មសេរីមួយនៅក្នុងខែ កក្កដា ដែលត្រួសត្រាយផ្លូវសម្រាប់ប្រទេសនេះ ដើម្បីគ្រប់គ្រងទីផ្សារ។ មុនពេលចុះហត្ថលេខា ការនាំចេញកង់របស់វៀតណាមត្រូវបានបង់ពន្ធ១០,៥ភាគរយ។
កិច្ចព្រមព្រៀងពាណិជ្ជកម្មសេរីថ្មី រវាងសហភាពអ៊ឺរ៉ុប និងវៀតណាមលុបចោលពន្ធគយស្ទើរតែទាំងអស់ ហើយនឹងអនុញ្ញាតឱ្យឧស្សាហកម្ម ផលិតកង់របស់វៀតណាម អាចប្រកួតប្រជែង ជាមួយនឹងអត្ថប្រយោជន៍ សន្ធឹកសន្ធាប់ជាងប្រទេសផលិតផ្សេងទៀត។
វាមិនច្បាស់ទេថា តើឧស្សាហកម្មផលិតកង់នៅកម្ពុជា នឹងគិតយ៉ាងដូចម្តេច ចំពោះប្រទេសហ្វីលីពីន និងបង់ក្លាដែស ដែលទទួលបានអត្ថប្រយោជន៍រួចទៅហើយ ពីប្រព័ន្ធអនុគ្រោះពន្ធ GSP + ដែលអនុញ្ញាតឱ្យការនាំចេញ ដោយឥតគិតថ្លៃពន្ធគយទៅសហភាពអឺរ៉ុប។
គួរឱ្យព្រួយបារម្ភជាងនេះទៅទៀត ក្រុមហ៊ុនផលិតកង់ដែលមានមូលដ្ឋាននៅឥណ្ឌាឈ្មោះ Hero និង TI Cycles កំពុងវិនិយោគយ៉ាងខ្លាំង នៅប្រទេសស្រីលង្កា បន្ទាប់ពីប្រទេសកោះមួយនេះ បានទទួលបានប្រព័ន្ធអនុគ្រោះពន្ធ GSP+ឡើងវិញ។ នេះបើយោងតាម Bike Europe៕
