ដោយ Donald Lee
ភ្នំពេញៈ រដ្ឋមន្រ្តីក្រសួងការបរទេសអាមេរិកលោក Mike Pompeo បាននិយាយនៅក្នុងសុន្ទរកថា មួយនៅថ្ងៃពុធថា អាមេរិកត្រូវតែប្រឈមមុខនឹងទីក្រុងប៉េកាំង ពីព្រោះចិនមានចេតនាក្នុងការត្រួតត្រាពិភព។
នៅក្នុងសុន្ទរកថាមួយនៅឯវិទ្យាស្ថានស្រាវជ្រាវ Hudson នៅទីក្រុងញូវយ៉កលោក Pompeo បានមានប្រសាសន៍ថា “គណបក្សកុម្មុយនិស្តចិន គឺជាគណបក្សម៉ាក្សនិយម និងលេនីននិយម បានផ្តោតលើការតស៊ូ និងការត្រួតត្រាអន្តរជាតិ។ យើងត្រូវតែស្តាប់សម្ដីមេដឹកនាំរបស់ពួកគេ”។
-->
លោកបានបន្ថែមថា “វាមិនមានភាពប្រាកដនិយមទៀតទេ ដែលមិនអើពើចំពោះភាពខុសគ្នា ជាមូលដ្ឋានរវាងប្រព័ន្ធទាំងពីររបស់យើង ហើយផលប៉ះពាល់ដែល…ភាពខុសគ្នានៃប្រព័ន្ធទាំងនោះ មានទៅលើសន្តិសុខជាតិអាមេរិក”។
ការថ្លែងសុន្ទរកថានេះ បានធ្វើឱ្យមានការភ្ញាក់ផ្អើល ខណៈប្រធានាធិបតីអាមេរិក Donald Trump កំពុងប៉ុនប៉ងធ្វើកិច្ចព្រមព្រៀងពាណិជ្ជកម្មជាមួយចិន ដែលគ្រោងនឹងត្រូវចុះហត្ថលេខានៅខែក្រោយ។
អ្នកចរចាពាណិជ្ជកម្មអាមេរិក និងចិនមានបំណងចុះហត្ថលេខា លើកិច្ចព្រមព្រៀងពាណិជ្ជកម្ម នៅដំណាក់កាលមួយបណ្តោះអាសន្ន ក្នុងអំឡុងកិច្ចប្រជុំកំពូល APEC នៅប្រទេសឈីលីនៅថ្ងៃទី១៦ ខែ វិច្ឆិកា ដើម្បីបញ្ចប់សង្គ្រាមពាណិជ្ជកម្មដ៏យូរអង្វែង ក្នុងរយៈពេលមួយឆ្នាំ ដែលបានបង្កឱ្យមានការរអាក់រអួលយ៉ាងខ្លាំង នៅក្នុងសេដ្ឋកិច្ចពិភពលោក ដែលកំពុងឆ្ពោះទៅរកការធ្លាក់ចុះសេដ្ឋកិច្ច។ ប៉ុន្តែកិច្ចប្រជុំកំពូលត្រូវបានលុបចោលនៅសប្តាហ៍នេះ ដោយសារតែការប្រឆាំងនឹងរដ្ឋាភិបាល បានផ្ទុះឡើងនៅទូទាំងប្រទេសឈីលី។
លោក Pompeo មានប្រសាសន៍ថា “ពួកគេកំពុងឈានដល់ការប្រើវិធីសាស្រ្ត ដែលបានបង្កើតបញ្ហាប្រឈមដល់អាមេរិក និងពិភពលោក ហើយយើងទាំងអស់គ្នាចាំបាច់ត្រូវប្រឈមនឹងបញ្ហាទាំងនេះ”៕
