ដោយ ៖ រ៉ាណេត
សៀមរាប ៖ រាជរដ្ឋាភិបាលកម្ពុជា តាមរយៈក្រសួងសាធារណការ និងដឹកជញ្ជូន បានពន្លឿនការសាងសង់ និងស្ថាបនា ផ្លូវសំខាន់ៗនៅក្នុងខេត្តសៀមរាប ដើម្បីលើកសោភ័ណភាព ក្នុងគោលបំណងសំខាន់ក្នុងការជំរុញ និងបង្កើនភាពទាក់ទាញទេសចរឱ្យកាន់តែច្រើន។
មន្ទីរសាធារណការ និងដឹកជញ្ជូនខេត្តសៀមរាប បាន និងកំពុងអនុវត្ដការងារជួសជុលថែទាំប្រចាំលើខ្សែរផ្លូវសំខាន់ៗនៅទូទាំងខេត្ដក្រោមការគ្រប់គ្រងរបស់មន្ទីរផ្ទាល់ ដែលក្នុងនោះរួមមានដូចជា៖
-គម្រោងជួសជុលផ្លូវខេត្តលេខ ២៦៦C (បន្ទាយស្រី) បានបន្តសកម្មភាពចាក់លូជ្រុងបន្តទៀត។
-បានបន្តធ្វើការថែទាំផ្លូវជាតិលេខ៦ ដោយសម្អាតរុក្ខជាតិសង្ខាងផ្លូវ និងជួសជុលបង្គោលសុវត្ថិភាព នៅចន្លោះ គ.ម ២៧៥ ដល់ គ.ម ២៨៦។
-គម្រោងកែលំអបណ្ដាញលូមេប្រមូលទឹកកខ្វក់ក្នុងក្រុងសៀមរាប របស់ធនាគារអភិវឌ្ឍន៍អាស៊ី ADB គិតត្រឹមថ្ងៃនេះ ការងារខួងដាក់បំពង់លូបានប្រវែងសរុប១៣២៧ ម៉ែត្រ ស្មើនឹង ៣៥.៨៦ភាគរយ។
ក្នុងនោះ ៖
+រណ្ដៅទី NW ២០ ៖ រៀបពុម្ពចាក់បេតុងអណ្តូងលូ សម្រាប់ជាន់ទី៣។
+រណ្ដៅទី NW ១៩ ៖ ចាក់ខ្សាច់លប់អណ្តូងជាន់ទី1 បន្តចងរបាដែករៀបពុម្ពចាក់បេតុងអណ្តូងលូជាន់ទី២។
+រណ្ដៅ ទីNW ១៨ ៖ បន្តបូមទឹកសម្អាតបាតរណ្តៅ រៀបចងរបាដែក រៀបពុម្ពជាន់ទី១។
+រណ្ដៅទី NW ១៧ ៖ រៀបចំបូមទឹក និងបិទស៊ីម៉ង់ត៍ការពារជម្រាបទឹកតាមបំពង់លូ។
+រណ្ដៅទី NW ១៥ ៖ រៀបចំខួងពីអណ្តូង NW ១៥ ទៅអណ្តូង NW ១៦ បានប្រវែង ៤៤ ម៉ែត្រ៕
