ដោយ Donald Lee
ភ្នំពេញៈ យន្ដហោះប៊ូអ៊ីង 737 ជំនាន់ក្រោយ របស់អាមេរិកនៅជុំវិញពិភពលោកត្រូវបានគេរកឃើញថា មានស្នាមប្រេះតាមលំដាប់។ នេះបើយោងតាមរដ្ឋបាលអាកាសចរណ៍សហព័ន្ធអាមេរិក។
យន្តហោះជំនាន់ក្រោយប៊ូអ៊ីងនៅជុំវិញពិភពលោកត្រូវបានរកឃើញថាមានស្នាមប្រេះ
រដ្ឋបាលអាកាសចរណ៍សហព័ន្ធអាមេរិក បានបញ្ជាឱ្យក្រុមហ៊ុនពិនិត្យមើលភាពត្រឹមត្រូវ នៃរចនាសម្ព័ន្ធនៃយន្តហោះ ដែលត្រូវបានលក់ទូទាំងពិភពលោក។
ក្រុមហ៊ុន Qantas ដែលមានមូលដ្ឋាននៅប្រទេសអូស្ត្រាលី បានផ្អាកយន្តហោះ 737 NG ចំនួន៣គ្រឿង បន្ទាប់ពីការរកឃើញត្រូវបានរកឃើញថាមានស្នាមប្រេះ។
នៅក្នុងសេចក្តីថ្លែងការណ៍កាលពីថ្ងៃសុក្រក្រមហ៊ុន Qantas បានបញ្ជាក់ថា “យន្តហោះចំនួន៣៣គ្រឿង ក្នុងចំណោមយន្តហោះទាំង៧៧ របស់ក្រុមហ៊ុន Qantas ដែលតម្រូវឱ្យមានការត្រួតពិនិត្យ មាន៣គ្រឿងត្រូវបានរកឃើញថា មានស្នាមប្រេះនៅក្នុងរចនាសម្ព័នសាងសង់។ យន្តហោះទាំងនេះ ត្រូវបានយកចេញពីសេវាកម្មសម្រាប់ជួសជុល។
យន្តហោះប៊ូអ៊ីញ ៧៣៧ប៊ូអ៊ីងប្រមាណ ៦,៨០០គ្រឿង កំពុងត្រូវបានប្រើប្រាស់នៅជុំវិញពិភពលោក។
យន្តហោះ 737 NG គឺជាម៉ូដែលថ្មែដែលជាជំនន់ថ្មីរបស់ Boeing 737 Max ។ យន្តហោះប៊ូអ៊ីង 737 Max ត្រូវបានហាមឃាត់មិនឱ្យហោះហើរ នៅគ្រប់ទិសទីលើពិភពលោកចាប់តាំងពីខែមីនា បន្ទាប់ពីការធ្លាក់ដ៏ខ្លាំងចំនួន២ដង បានឆក់យកអាយុជីវិតមនុស្សចំនួន ៣៤៦នាក់។
នាយកប្រតិបត្តិនៃក្រុមហ៊ុន Qantas ក្នុងស្រុកលោក Andrew David បាននិយាយនៅក្នុងសេចក្តីថ្លែងការណ៍ថា “យើងនឹងមិនដែលហោះហើរយន្តហោះ ដែលមិនមានសុវត្ថិភាពនោះទេ”។
លោកបានបន្ថែមថា “សូម្បីតែកន្លែងដែលមានស្នាមប្រេះទាំងនេះ វាមិនមានហានិភ័យភ្លាមៗក៏ដោយ ដែលវាច្បាស់ណាស់ពីការពិតដែលថា ការត្រួតពិនិត្យមិនត្រូវបានទាមទារយ៉ាងហោចណាស់រយៈពេលប្រាំពីរខែ”៕
