ដោយ ៖ Donald Lee
ភ្នំពេញ ៖ ទិវាទិញទំនិញតាមអនឡាញធំបំផុតលើពិភពលោក (Singles Day ឬ 11.11) នឹងជាការចាប់ផ្តើមនៃថ្ងៃទិញទំនិញធំបំផុតប្រចាំឆ្នាំ ដែលធ្វើឱ្យមានការលក់យ៉ាងច្រើនសម្បើម នៅលើវេទិកាពាណិជ្ជកម្មតាមអនឡាញ ដែលមានមូលដ្ឋាននៅចិន Alibaba និងក្រុមហ៊ុន Lazada នៅអាស៊ីអាគ្នេយ៍។
ផលិតផលចិន និងអន្តរជាតិចំនួន ២០០,០០០ កំពុងគ្រោងនឹងដាក់បញ្ចូលនៅក្នុងទិវាទិញទំនិញតាមអនឡាញធំបំផុតលើពិភពលោក។ នេះបើយោងតាម Alibaba ។
ក្រុមហ៊ុនជាច្រើន គ្រោងនឹងលក់អ្វីគ្រប់យ៉ាងចាប់ពីខោលីអូ រហូតដល់រថយន្តនៅលើវេទិកាផ្សាយផ្ទាល់ពេញមួយថ្ងៃ ក្នុងអំឡុងពេលនៃពិធីបុណ្យនេះ។
ក្រុមហ៊ុន Alibaba Group Holding Ltd. ប្រមូលចំណូលបានចំនួន ៣០,៧ ពាន់លានដុល្លារ ក្នុងឱកាសទិវាទិញទំនិញតាមអនឡាញធំបំផុតលើពិភពលោកលើកចុងក្រោយ។
ក្រុមហ៊ុន Aliexpress ដែលជាផ្នែកមួយក្រុមហ៊ុនមេ Alibaba ដែលប្រតិបត្តិការទូទាំងពិភពលោកបានឱ្យដឹងថា “យើងមានកិច្ចព្រមព្រៀងទិញលករាប់លាន ដោយយើងនឹងផ្តល់ប័ណ្ណចំនួ ៣០០លានដុល្លារដល់អ្នក។ ការបញ្ចុះតម្លៃយ៉ាងទាប គ្មានទីបញ្ចប់ការចែកចាយទូទាំងពិភពលោក រីករាយនឹងការលក់ដាច់បំផុតប្រចាំឆ្នាំរបស់យើង”។
ទិវាទិញទំនិញតាមអនឡាញធំបំផុតលើពិភពលោកលើកចុងក្រោយ ត្រូវបានបង្កើតឡើងដោយស្ថាបនិក Alibaba លោក Jack Ma បន្ទាប់ពីថ្ងៃនោះបានក្លាយជាការពេញនិយមក្នុងចំណោមនិស្សិតមហាវិទ្យាល័យ”។
និមិត្តសញ្ញាលេខនៃថ្ងៃ “11.11” ប្រហាក់ប្រហែលនឹងការបញ្ចេញមតិរបស់ចិន សម្រាប់តែម្នាក់ឯង ឬឯកោ ៕
