ដោយ វុត្ថា
ភ្នំពេញៈ ប្រតិភូមកទីក្រុងជុងប៊ូ (Uijeoungbu) ខេត្តជុងគី (Gyeonggi) នៃសាធារណៈរដ្ឋកូរ៉េ បានចុះស្វែងយល់ពីសក្តានុពលវិនិយោគខេត្តកំពត និងផ្លាស់ប្តូរបទពិសោធន៍រវាងទីក្រុងទាំងពីរ។
យោងតាមកិច្ចប្រជុំរវាងលោកជាវ តាយ អភិបាលខេត្តកំពត និងប្រតិភូកូមកទីក្រុងជុងប៊ូ (Uijeoungbu) ខេត្ត ជុងគី (Gyeonggi) សាធារណៈរដ្ឋកូរ៉េ នៅថ្ងៃទី ១៣ ខែវិច្ឆិកា ឆ្នាំ ២០១៩នេះ ភាគីទាំងពីរបានផ្តោតសំខាន់លើការរឹតចំណងសាមគ្គី និងពង្រឹងការទំនាក់ទំនង ផ្លាស់ប្តូរបទពិសោធន៍រវាងទីក្រុងទាំងពីរ។
លោក ជាវ តាយ អភិបាលខេត្តកំពតបានសម្តែងភាពកក់ក្តៅ ដល់ប្រតិភូកូរ៉េ ដែលបានអញ្ជើញមកទស្សនកិច្ចសិក្សាស្វែង យល់ ពីសក្តានុពលខេត្តកំពត និងស្នើសុំប្រតិភូកូរ៉េ ជួយរៀបចំប្រព័ន្ធកុំព្យូទ័រក្នុងសាលាខេត្តកំពត និងជួយលើគម្រោងផ្សេងៗទៀតរបស់រដ្ឋបាលខេត្ត។
ប្រតិភូកូរ៉េ នៃទីក្រុង អុជុងប៊ូ និងបង្កើតក្រុមការងារ ដើម្បីធ្វើការទំនាក់ទំនងជាមួយនឹងរដ្ឋបាលខេត្តកំពត និងសន្យាជួយ ឧបត្ថម្ភរៀបចំ ប្រព័ន្ធកុំព្យូទ័រក្នុងសាលាខេត្តកំពត លោកអភិបាលក្រុង អ៊ុជុងប៊ុង និងដឹកនាំគណៈប្រតិភូមកទស្សនកិច្ចសិក្សានៅខេត្តកំពតម្តងទៀតនៅឆ្នាំក្រោយ។
ខេត្តកំពតស្ថិតនៅប៉ែកនិរតីនៃប្រទេស មានចម្ងាយ១៤៨គីឡូម៉ែត្រពីរាជធានីភ្នំពេញ។ ខេត្តកំពតសម្បូរដោយសក្កានុពលជាច្រើន ដែលរួមមានផលិតផលកសិកម្ម ដូចជា ម្រេចកំពត ធូរ៉េន និងវិស័យទេសចរណ៍ផងដែរ។ បច្ចុប្បន្នខេត្តកំពតគឺមានក្រុមហ៊ុនសាងសង់ជាច្រើន បានមកចូលរួមក្នុងការអភិវឌ្ឍ គម្រោងវិនិយោគសំណង់អគារ និងសណ្ឋាគារជាច្រើនផងដែរ ដែលនឹងជួយចូលរួមធ្វើឲ្យខេត្តកំពត កាន់តែក្លាយជាខេត្តសក្តានុពលសម្រាប់បំរើវិស័យទេសចរណ៍ និងការវិនិយោគ៕
